Endi 18 jastan asqan kez kelgen qala turǵyny tegin oqytý kýrstaryna tirkele alady. Joba uıymdastyrýshysy Marta Haıdarovanyń aıtýynsha, búginge deıin 300-den astam adam kýrsqa qatysqan. Olardyń 80 paıyzy – jumyssyzdar.
«Alǵashynda qalalyq jumyspen qamtý bóliminde tirkelgen jumyssyzdardy oqyta bastadyq. Biraq keıin tirkelmegen, ýaqytsha jumyssyz turǵyndar da habarlasqasyn, jalpyǵa ortaq kýrstar ashqandy jón kórdik. Bıyl jyl boıyna bir myńǵa jýyq adamǵa aǵylshyn tilin úıretkimiz keledi», - deıdi Marta Haıdarova.
Kýrs tórt aıǵa josparlanǵan. Osy ýaqyt ishinde qatysýshylar áripten bastap aýyzeki tilde erkin sóıleýdi meńgeredi. Al olarǵa oblys ortalyǵyndaǵy joǵary oqý oryndary men kolledjderdiń tájirıbeli oqytýshylary dáris beredi.
Baqytgúl BABASh,
«Egemen Qazaqstan»
