EQYU memleketteriniń joǵary ókilderi, sondaı-aq ASEAN, ASEM jáne t.b. seriktes memleketterden shaqyrylǵan qonaqtary qatysqan forýmdy Germanııanyń EQYU-ǵa tóraǵalyq boıynsha Federaldyq úkimetiniń Arnaıy ýákili Gernot Erler men EQYU hatshysy Lamberto Zaner ashty.
«О́zara baılanys pen aımaqtyq ekonomıkalyq seriktestik» taqyrybyndaǵy paneldik sessııasynda sóılegen sózi barysynda R. Vasılenko tyńdaýshylardy Qazaqstannyń halyqaralyq bastamalarymen jáne jetekshi halyqaralyq ekonomıkalyq qaýymdastyqtar men uıymdar sheńberindegi yntymaqtastyqtyń bastapqylyqtarymen tanystyryp, memlekettiń tranzıttik-kóliktik múmkindikterimen jáne kólik pen energetıkalyq joldaryn ártaraptandyrý mánmátininde jańa múmkindikteriniń maǵynasyn ashty.
Ortalyq Azııanyń eń iri álemdik naryqtary arasyndaǵy stregııalyq kópir retindegi tarıhı rólin, sondaı-aq aımaqaralyq jáne halyqaralyq ekonomıkalyq ıntegrasııany nyǵaıtý qajettiligin atap ótip, qazaqstandyq dıplomat forýmǵa qatysýshylardy Qazaqstanda iske asyrylyp jatqan kóliktik ınfraqurylymdy damytý salasyndaǵy jobalar týraly habardar etti. Bul rette ekonomıkalyq jaǵymdylyq pen memleket arqyly ótetin Shyǵys-Batys jáne Soltústik-Ońtústik tranzıttik joldarynyń praktıkalyq tıimdiligine asa nazar aýdaryldy.
Sonymen qatar, Ortalyq Azııanyń tranzıttik áleýetin odan ári damytý turǵysynan Eýrazııalyq ekonomıkalyq odaqtyń, jaqynda keńeıtilgen Shanhaı yntymaqtastyq uıymy sııaqty uıymdardyń áleýetin tartýdyń, sondaı-aq Ortalyq Azııa elderi men Eýropalyq Odaq, Japonııa, Ońtústik Koreıa men Amerıka Qurama Shtattary arasyndaǵy dıalogtyq formattarynyń mańyzdylyǵy atap ótildi.
R. Vasılenko Qazaqstan Prezıdenti N.Á. Naarbaevtyń bastamasymen Azııa ózara is-qımyl jáne senim sharalary jónindegi keńestiń (AО́SShK) basymdyqtaryn atap ótip, osy bıyl 25 jyl tolatyn AО́SShK negizinde Azııadaǵy qaýipsizdik pen damý uıymy (AQDU) qurý boıynsha usynystardyń mańyzdy ekendigin atady.
Berlınge jasaǵan sapary barysynda qazaqstandyq dıplomatynyń GFR SIM Ortalyq jáne Shyǵys Eýropa elderiniń ýákilettisi Andreas Peshkemen jáne GFR Ekonomıka jáne energetıka mınıstriniń orynbasary Ekhard Franspen bolǵan ekijaqty kezdesýlerinde ekijaqty Qazaqstan-Germanııa qarym-qatynastarynyń eleýli máseleleri jáne jaqyn arada bolatyn Germanııa Federaldyq Prezıdenti Frank-Valter Shtaınmaıerdyń Astana qalasyna resmı saparynyń mazmundy aspektileri talqylandy.
