Kezdesýde Qazaqstan men Túrkııa arasyndaǵy saýda-ekonomıkalyq qarym-qatynastardyń, sonyń ishinde ekijaqty saýdany arttyrý boıynsha keden organdarynyń orny men mańyzdylyǵy jóninde sóz boldy. Keden salasy boıynsha yntymaqtastyqty ilgeriletýge qatysty ekijaqty josparlar da talqylandy.
«Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna arnalǵan Joldaýdyń negizgi basymdyǵy týraly habardar etken elshi óz sózinde Qazaqstan men Túrkııa arasyndaǵy qarym-qatynastardyń strategııalyq deńgeıde jalǵasyp kele jatqanyn, keden salasyndaǵy yntymaqtastyqtyń kópjaqty jáne ekijaqty tuǵyrnamanyń negizinde júrgizilip otyrǵanyn atap ótti. Sonymen qatar, Qazaqstan men Túrkııanyń keden organdary arasyndaǵy yntymaqtastyqtyń basty baǵyttary boıynsha ekijaqty saýda salasyndaǵy taýarlarǵa qatysty aldyn ala aqparattarmen almasý, ýákiletti ekonomıkalyq operatorlardy tanystyrý jáne tájirıbe almasý máselelerine nazar aýdardy.
О́z kezeginde, mınıstr Qazaqstan Respýblıkasynyń Prezıdenti N.Á.Nazarbaevtyń ustanǵan kóregen saıasatyna joǵary baǵa berip, Qazaqstannyń Ortalyq Azııa óńirindegi Túrkııanyń basty saıası jáne ekonomıkalyq áriptesi ekenin atap ótti. Sondaı-aq, eki memlekettiń keden organdarynyń Jibek joly jáne Kerýen saraı jobalary boıynsha ózara yntymaqtastyǵynyń mańyzdylyǵyna toqtaldy. Eki el arasynda kelisilgen ortaq jobalardyń iske asýyna múddeli ekenin jetkizdi.
Túrkııanyń Keden jáne saýda mınıstri B.Túfenkchı elshi A.Saparbekulyn jańa qyzmetimen quttyqtap, júrekjardy tilektestigin bildirdi.
