Keshe EKSPO-2017 halyqaralyq kórmesi aıasynda ótken «Salamatty bolashaq» balalar sýreti baıqaýynyń qorytyndysy shyǵarylyp, jeńimpazdar marapattaldy. О́ner saıysynda balalar úıiniń, «SOS balalar aýylynyń» jáne arnaıy túzetý mektep-ınternatynyń tárbıelenýshileri baq synady. Marapattaý rásimi «Medıker» medısınalyq kompanııasynyń kórme pavılonynda ótti.
Jeti men on bes jas aralyǵyndaǵy balalar ózderiniń shyǵarmashylyq qabiletin kórsetti. 16-31 mamyr aralyǵynda qabyldanǵan jumystarǵa baǵa berildi. Bir aıta keterligi, olardyń barlyǵy densaýlyq taqyrybyna arnalǵan. Sýretterdi «Aıala» qaıyrymdylyq qorynyń, «Medıker» medısınalyq kompanııasynyń jáne «Philips» kompanııasynyń ókilderinen quralǵan sarapshylar baǵalady.
Birinshi, ekinshi jáne úshinshi oryndardy ıelengen jeńimpazdarǵa «Philips» kompanııasy jáne «Aıala» qaıyrymdylyq qory baǵaly syılyqtar tabystady. Qosymsha taǵaıyndalǵan alty atalym boıynsha júldelerdi «Philips» kompanııasy usyndy. Jarysqa qatysqan basqa balalar da quralaqan qaıtqan joq. Sebebi, qazylar alqasy músheleriniń aıtýynsha, barlyq jumystar nazar aýdarýǵa jáne júldeli orynǵa laıyq.
Sonymen, «Salaýatty bolashaq» balalar sýreti baıqaýynyń birinshi júldesi – Erjan Dinıslamǵa, ekinshi oryn – Irına Oleınıkke, úshinshi júlde Lıýbov Chýgaevaǵa buıyrdy. Al «Taqyrypty ashqany úshin» atalymy boıynsha – Anatolıı Popov, «Eń jas sýretshi» júldesimen – Erjan Qasqyrbaı, kreatıvti týyndysy úshin – Vladımır Oleınık, «Eń jarqyn sýretimen» daralanǵan – Ulan Taspolat, «Bolashaqqa kózqaras» júldesin ıelengen Lana Ybraeva, tabıǵatpen etene eńbek ete bilgen Albına Nurbekova jeńimpaz bolyp tabyldy.
Baıqaý úzdigi Erjan Dinıslamnyń aıtýynsha, óner báıgesine munan keıin de kóptep qatysa berý qajet. О́ıtkeni, áriptestermen básekede ár sýretshi ózin barynsha kórsetýine ári túrli qyrynan ashylýyna múmkindik tabady.
Qarshyǵa KÚLEN
