- Mınıstrlik osydan bir jyl buryn quryldy. Elbasy bastamasymen birqatar mindetter qoıylǵany belgili. О́z kezeginde mınıstrlik aýqymdy sharalardy júzege asyrdy. Atap aıtar bolsaq, «OTAU TV» paketi arqyly "Habar", "Qazaqstan", KazSport telearnalary HD formatynda jumys isteı bastady. Analogty habar tartýdan birtindep sıfrlyq habar taratý júıesine aýystyrý jumystary júrgizilip jatyr. Qazir halyqty sıfrlyq efırmen qamtý 77 paıyzǵa jetti, -dedi mınıstr Dáýren Abaev.
Mınıstrdiń sózinshe, Almaty, Jambyl, Mańǵystaý, Ońtústik Qazaqstan oblystarynda sıfrlyq efırmen qamtý jumystary tolyq aıaqtalǵan. El aýmaǵynyń qalǵan bóligin sıfrlyq efırmen qamtý jumystary 2018 jyl sońyna deıin aıaqtalatyn bolady.
«Analogtyq habar taratýdan birtindep sıfrlyq habar taratýǵa kóshý jumysy belsendi júrgizilýde. Shalǵaı aýdandar turǵyndarynyń sapasy tómen 3-4 arnaǵa ǵana qoly jetimdi bolǵan kezder búgingi kúni artta qaldy», - dedi ol.
Mınıstr óz sózinde otandyq spýtnıktiń televızııa abonentteriniń sany 1 mln. 300 myńǵa jaqyndaǵanyn atap ótti.
«Bes jyl burynǵy kórsetkishpen salystyrsaq, qazir kórermenderimiz otandyq spýtnıktik televızııaǵa basymdyq berip otyrǵandyǵyn senimmen aıtýǵa bolady. Sondaı-aq halyqaralyq tájirıbe men oqyrmandardyń qalaýyn eskere otyryp, «Egemen Qazaqstan» jáne «Kazahstanskaıa pravda» gazetterine redızaın júrgizildi. Qazir bul gazetter tolyq túrli-tústi formatta shyǵýda. Sonymen qatar olardyń saıttary da úlken jańǵyrtýdan ótip, yqpaldy aqparat resýrsyna aınaldy», - dedi Dáýren Abaev.
Aıa О́mirtaı,
"Egemen Qazaqstan"
