"Aqparat jáne kommýnıkasııalar mınıstrligi Elbasynyń tapsyrmasymen byltyr mamyr aıynda quryldy. Memleket basshysy jańa vedomstvoǵa aqparattyq keńistikti nyǵaıtý, otandyq mass-medıanyń deńgeıin kóterý, memlekettik aqparattyq saıasat pen memlekettik qyzmet kórsetýdiń tıimdiligin arttyrýdy, sonymen qatar sıfrlandyrýdy alǵa jyljytyp, baılanys sapasyn jaqsartýdy tapsyrdy", dedi mınıstr.
Baıandama barysynda Dáýren Abaev bul máseleler Elbasy Joldaýynda da jan-jaqty qamtylǵanyn aıtty.
«Kommýnıkasııalyq ınfraqurylym - óte ózekti másele. Mınıstrlik qurylǵan kezde Elbasy aıtqan mindetterdiń biri de osy kommýnıkasııalyq ınfraqurylymdy jaqsartý bolatyn. Bıylǵy Joldaýynda da optıkalyq-talshyqty ınfraqurylymmen jappaı qamtýdy tapsyrdy. Jalpy, sıfrlyq ındýstrııany qurý úshin, eń birinshi, halyqty ınternetpen qamtamasyz etý qajet ekeni anyq. qazir aýyldardyń kópshiliginde ınternet baılanysy bar. Biraq, onyń sapasy syn kótermeıtinin jaqsy bilemiz. Sondyqtan qazir «Aýyldyq eldi mekenderde talshyqty-optıkalyq baılanys jelilerin qurý» jobasyn júzege asyrýǵa bar kúshimizdi salyp jatyrmyz", dedi Dáýren Abaev. Onyń aıtýynsha, osy joba sátti júzege asyrylsa, aldaǵy úsh jylda 1900 aýylǵa jeli tartylyp, 5 mıllıonǵa jýyq adam sapaly ınternetke qol jetkizbek.
Gúlnur Qýanyshbekqyzy,
"Egemen Qazaqstan"
Sýretti túsirgen Erlan Omarov,
"Egemen Qazaqstan"
