Qazirgi ýaqytta janýarlardy qorǵaý boıynsha qoǵamdyq uıymdarmen, beslendilermen birge janýarlardy ustaý jáne aýlaý erejesine ózgerister engizildi. Qazir olqoldanystaǵy zańnamaǵa sáıkes tıisti mekemeler men vedomstvolardyń kelisimine jiberildi.
Negizgi ózgerister ustap alynǵan janýarlardy 3 kúnnen 60 kúnge deıin uzartý, aýlaý qyzmeti ustalǵan qańǵybas janýarlardy úshinshi tarapqa berýge ruqsat berý, aýlaý qyzmetiniń aýmaǵyna eriktilerge erkin kirýge múmkindik jasaý qarastyrylǵan.
Jaqyn kúnderi atalǵan ózgeristerge ákim qol qoıady jáne elordalyq máslıhattyń bekitýine jiberiledi.
Budan bólek, «Astana vetservıs» ShJQ MKM dırektory basqa jumysqa aýysýyna baılanysty qyzmetinen bosatyldy. Mekemeniń shtatyna janýarlardy aýlaý jáne ustaý boıynsha orynbasary qyzmeti engizildi. Ol laýazymǵa janýarlardy qorǵaý boıynsha eriktiler-belsendiler qatarynan veterınarııa salasynda tájirıbesi bar adam tańdaldy. Qazirgi ýaqytta olar qujattar jınastyryp jatyr.
Alǵash ret jergilikti bıýdjetten ıtter men mysyqtar ustaýǵa arnalǵan qaýmaldar satyp alý úshin jáne janýarlardy sterıldeýge qarajat bólindi. Qazirgi ýaqytta memlekettik satyp alý ótkizý sharalary júrgizilýde.
