Jetisýlyq talanttardy qoldaý maqsatynda qolǵa alynǵan ıgi bastama jergilikti jas aqyndar men jazýshylardyń ónerin nasıhattaýǵa baǵyttalǵan. О́leń ólkesinde ózindik órnegin qalyptastyrǵan aqyn Erlan Júnistiń «Armanshyl tańnyń bulttary» atty óleńder jınaǵy, taǵy da bir Jeisýlyq talant ıesi Jangeldi Nemerebaıdyń «Qar gúli» kitaby, sondaı-aq, tanymal jýrnalıst Esbolat Aıdabosynnyń proza salasyndaǵy alǵashqy jınaǵy «Súlikqara» degen atpen jaryq kórip oqyrmandaryn qýantty. Osy serııa boıynsha shyqqan eki birdeı almanahty da aıtpaı ketýge bolmas. Alǵashqy kitap «Jetisýdan quıylǵan jylǵalar» dep atalady. Bul jınaqqa 45 jasqa deıingi 34 jazýshynyń eńbegi engen. Kelesi kitap «Taý men О́zen jyrlary» degen atpen jaryq kórdi. Bul kitapta poezııada ózin tanytyp úlgergen adýyndy aqyndarmen qatar jyr álemine endi aıaq basqan on segiz ben qyryq bes jas aralyǵyndaǵy barlyǵy 87 aqynnyń óleńderi toptastyrylǵan. Qalamgerlerdiń qadamyna qut, qalamyna qýat tilep kelgen oblystyq «Jetisý» gazetiniń tilshisi Qýat Qaıranbaev, belgili jýrnalıst Gúlzeınep Sádirqyzy, «Aıqyn» respýblıkalyq basylymynyń tilshisi aqyn Eseı Jeńisuly, jazýshy Madına Omarovalar saltanatty túrde sý jańa kitaptardyń tusaýyn kesti. Tyń týyndylardyń tusaýkeser rásimi poezııa keshine ulasyp, jınaqqa óleńi engen qyz-jigitter alma-kezek jyr oqydy.
– Bul zamanda kitappen eshkimdi tańǵaldyra almaıtyn zaman. Degenmen, sońǵy kezde paıda bolǵan tendensııa 2000 jyldardyń basyndaǵy shópti de shóńgeni de memýar qylyp jazatyn úrdis toqtalyp, búgingi kitaptyń aty sııaqty súlikqaralar súzilip shyǵatyn shaq týdy. Jergilikti bılik ókilderiniń talant ıelerine qoldaý kórsetýi qýantarlyq jaı. Sebebi, qazirgi tańda memlekettik tapsyrysqa iligý ońaı emes. Senattaǵy jańa zań maquldansa qalamger jigitterdiń qarymy asyp, qanatyn jazyp shabady dep úmittenemiz, – deıdi kitaptyń tusaýkeser sátinde sóz sóılegen Eseı Jeńisuly.
Jambyl atyndaǵy kitaphananyń qyzmetkeri Ǵazıza Qudaıbergen atalmysh kitaptardyń oqyrmandar tarapynan joǵary baǵalanǵanyna toqtala kelip, bul bastama tek qala men oblys sheńberinde ǵana emes «Atyraý-Altaı» arasy jobasymen respýblıkamyzdyń ár aımaǵynda jaryq kórgen aqyn-jazýshylarymyzdyń kitaptarynyń tusaýkeserin Almatyda ótkizýdiń dástúrge aınalyp kele jatqanyn aıtty. Sebebi, shyǵarmashylyq ıeleriniń ónerine baǵa berip, olardyń tanylýyna yqpal etetin negizgi úlken ádebı orta Almatyda qalyptasqan.
Oblys ákiminiń qoldaýymen jaryq kórip otyrǵan proza men poezııa antologııasynda qos birdeı áriptesimiz «Egemen Qazaqstan» gazetiniń Almaty oblysyndaǵy menshikti tilshisi Almas Núsip pen gazetimizdiń Almatydaǵy tilshiler qosynynyń tilshisi Baǵashar Tursynbaıulynyń da eńbekteri engen. Ádebıet álemine at baılaǵan azamattardy quttyqtap, Jetisýdan aqqan jylǵalar aıdyn-kólge aınala bersin degen tilek bildiremiz.
Arman OKTIаBR,
«Egemen Qazaqstan»
Sýretti túsirgen: Nurmanbet Qızatuly.
ALMATY
