Is-sharaǵa Fransııanyń Qazaqstandaǵy Elshisi Fransıs Eten, EKSPO 2017 Fransııa pavıloniniń Bas komıssary Paskal Loro jáne basqa da resmı tulǵalar qatysty.
Paskal Loro óz sózinde Fransııa Qazaqstanmen yntymaqtastyq týraly shartqa qol qoıǵan Eýropa elderiniń arasyndaǵy alǵash memleketteriniń biri ekenin atap ótti.
«Osylaısha eki el arasyndaǵy ekonomıkalyq yntymaqtastyq nyǵaıa tústi. Fransııa EKSPO-2017 Halyqaralyq kórmesine Qazaqstanǵa qoldaý kórsetý úshin keldi. EKSPO-2017 ekijaqty iskerlik qatynastyrdy odan ári nyǵaıtýǵa óz úlesin qosady degen senimdemin», - dep atap ótti Fransııa Pavıloniniń komıssary.
Ulttyq kúnniń aıasynda «Pavlodar munaıhımııa zaýyty» JShS, «ErLıkıdMýnaıTehGazy» JShS men «QazMunaıGaz-qaıta óndirý jáne marketıng» AQ arasyndaǵy shartqa qol qoıyldy.
Sonymen qatar Fransııa Ulttyq kúniniń qonaqtary «Padam, Paname» spektakli usynǵan Boudoir dýetiniń shyǵarmashylyǵyn tamashalaı aldy. Fransýz ujymdarynan basqa sahnada Tolqyn Zabırova jáne Qazaq ulttyq óner ýnıversıtetiniń stýdentteri óner kórsetti.
