Shalǵaı aýylǵa sharapaty tıgen baǵdarlama

Taǵy bir ózimiz kýá bol­ǵan kórinis «Nurly jol» sheńber­inde Shubarqudyq aýylynyń sý quby­ryn jańartý jumystary basta­lypty. Soǵan sáıkes 23,1 sha­qyrym aýmaqtaǵy sýmen jab­dyqtaý jelileri jańartylmaq. Al qazir qoldanystaǵy sý qu­by­ry sonaý qyrqynshy jyldary salynǵan eken. Ras, atal­ǵan gıdroınjenerlik nysan jet­pi­sinshi jyldary odan ári keńeı­tilgen.

Áıtse de oǵan qazirgi kún­ge deıin kúrdeli jóndeý júr­gizilmeı kelipti. Sondyqtan sý qubyry jelileriniń tozýy saldarynan jarylystar da jıi oryn ala bastapty. Mundaı jaǵdaı óz kezeginde aýyz sýdyń sapasyna ári onyń úzilissiz berilýine salqynyn tıgizgen. Bul sý qubyry 14 myńǵa jýyq turǵyny bar aýdan ortalyǵyn ákimshilik ǵımarattar men densaýlyq saqtaý bilim berý nysandaryn aýyz sýmen qamtıtynyn eskersek «Nurly jol» baǵdarlamasynyń tıgizgen shapaǵaty tereńdeı túsedi. Jumystyń jalpy quny 557 mıllıon teńgeni quraıdy. 

Temir aýdandyq turǵyn úı, kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Almas Jaqsylyqovtyń aıtýynsha, ótken jyly «Nurly jol» sheńberinde Aqtaı aýyly ortalyqtandyrylǵan aýyz sý qubyryna qosylypty. Onyń uzyndyǵy 15 shaqyrymǵa jýyq. Jalpy aýdan aýmaǵyndaǵy aýyldar túgelge derlik ortalyqtandyrylǵan aýyz sý júıesine qosylǵany ájeptáýir jetistik. Bul mysaldar aýdan turǵyndary aýyz sýmen túgelge derlik qamtylǵanyna dálel. Degenmen jaz aılarynda aýyz sý tapshylyǵyna baılanysty máseleler týyndap qalatyn kórinedi. Osy kezde sýǵa suranys ta 3-4 ese ósip shyǵa keledi eken. Munyń sebebin bólim basshysy turǵyndar tarapynan aýyz sýdyń únemdi, ári tıimdi túrde jumsalmaýymen, sóıtip sý ysyrabyna jol beril­meýimen túsindirip berdi. Biz Temir aýdanyndaǵy sý mamandary­men kezdesý kezinde aýyz sý máse­lelerine qatysty jobalar ja­salǵan kezde halyq sany jáne ósimi, soǵan baılanysty bar­lyq turmystyq qajettilikter eske­ri­letinin kóńilge túıip oraldyq. 

Temir aýdany