Serikjan myrza sonda: «Bizdiń qazaqta ata-baba jolyn qasterleıtin, urpaǵyn ulyq tutatyn ádemi qasıet bar. «Atadan jaqsy ul týsa,eldiń qamyn jeıdi; Atadan jaman ul týsa,eldiń malyn jeıdi», degen támsil sodan qalsa kerek. О́zim de, inilerim de, balalarym men nemerelerim de babalar jolyn basty baǵyt etip ustap, barlyq tirlikterimizdiń bastaýyn sol kisilerdiń arman-tilegimen jalǵaımyz», – degen bolatyn.
Tektilik taǵylymy, ata-babalar amanatyna adaldyq degenińiz, mine, osy. Babalary Meńlibaı qajy kezinde eldiń yntymaǵy men yrysyn oılap, Shilik aýylynan meshit saldyrǵan. Qajyńyzdyń úlken uly Esjan kópir saldyryp, dıirmen júrgizgen. Seıitjan Ortalyq Azııa memlekettik ýnıversıtetiniń fızıka-matematıka fakýltetin úzdik bitirip, urpaqqa bilim berýge, tárbıeleýge úlken úles qosqan. Mektep saldyrǵan...
Bul baq qonǵan áýletti búkil baıtaǵymyz biledi. Serikjan Seıitjanov týraly Elbasymyzdyń ózi ylǵı ystyq yqylas tanytady. Kúni keshe sáýirdiń saýmal samaly saýlap turǵanda Ońtústikke, shyraıly Shymkentke kelgende de Prezıdentimiz elshil erenniń eńbegin joǵary baǵalady.
Serikjannyń úlken baýyry Kerimjandy da jurtshylyq jaqsy biledi. Biz de bir kisideı bilińkireımiz. Shymkent kólik jáne kommýnıkasııa kolledjin basqarǵan jyldary Kerekeń keń kósilip, keremet ister atqardy. Birtalaı is-sharalaryna qýana qatysyp, Kerimjannyń kemeldigine kóz jetkizip, tektiligine tánti bolǵanbyz.
Bul jolǵy áńgimeniń arqaýy Álimjan haqynda. Solaı bola tura ózimiz ózgeshe kóretin, búkil el qadirleıtin Serikjan men Kerimjan týrasynda az-kem aıtpaý múlde múmkin emes qoı.
Áýletti áýlettiń Álimjany. Álimjan Seıitjanuly Qurtaev. Bir áýlettiń ǵana maqtanyshy emes, árıne. Álimjanyńyz da búginde barshaǵa tanymal tulǵaǵa aınalǵan. Otyrardyń ǵana ozyq oıly, ozat áreketti oǵlany deı almaısyz. Ulysyńyzdyń uıytqysy atanǵan Ońtústigińizdiń orazdy uly. Osy qazaǵyńyz orazdy dep osyndaı parasatty perzentterin aıtqan. Basyna jaqsylyq úıir, baq-berekeli, yrys-qut qonǵan adamdy, azamatty, otbasyny, áýletti osylaı meńzegen.
Qazaqstan Respýblıkasy Parlamenti Senatynyń depýtattyǵyna kandıdat Álimjan Seıitjanuly Qurtaevtyń ómirderekterine qarasańyz, kókeıińiz kóriktenedi, kóńilińiz tolady.
Sekseninshi jyldardyń basynda stýdenttik jyldaryn Jambylda ótkergen. Bertinirekte Taraz atanǵan tarıhy tereń shahardyń tym ystyq kórineri sondyqtan. Qyzylordada eńbek jolyn bastaǵan. El anasy, jer anasy atanǵan Syrdyń keńeıip, tereńdeıtin, teńizge qaraı eleńdeıtin óńirinde ózgeshe ónegelerden syr túıgen tekti ul túptep kelgende, óziniń arman-ańsary qurylys salasynda ekenin túsingen.
Qurylys sheberi. Ol kezde master deıtin. Sonsoń aǵa ınjener. Zerthananyń ǵylymı qyzmetkeri. «Shymkentpromstroı» tresi qurylys materıaldary kombınatynyń dırektory. Trest basqarýshysynyń orynbasary. Arys qalasynyń ákimi. Jalpaq jurtqa jaqsy jaǵynan aıan «Ońtústikqurylysservıs» JShS dırektory. Oblystyq basqarma basshysy. Respýblıkalyq agenttik tóraǵasynyń orynbasary. Kóshi-qon jónindegi. Otyrar aýdanynyń ákimi... Osylaısha jalǵasa beredi.
Búginde «Nur Otan» partııasy OQO fılıaly tóraǵasynyń birinshi orynbasary retinde iskerligin, izdenimpazdyǵyn, salmaqtylyǵyn, salıqalylyǵyn, tájirıbesiniń tasyp-tógilip jatqandyǵyn, alaıda, tektiligine sáıkes óziniń minez ben áreket, sóz ben is jaǵynan eshqashan tasyp-tógilmeıtinin tanytyp keledi.
Júrip ótken joly, atqaryp kele jatqan alýan túrli qyzmetteri jaǵynan baǵamdap baıqasańyz, naǵyz Senat depýtaty bolatyndaı tulǵany kórgendeısiz. Solaı sezinesiz. Senatta otyrǵanyn senimdi elestetesiz.
Kátta kombınatta, tegeýrindi treste basshy bolǵanda da, Uly ustaz babasynyń topyraǵyn Arystanbab kesenesiniń aldyna ákelip qosqanda da tıtimdeı shirenbegen. Qarapaıym qalpynan, kishipeıil kúıinen tanbaǵan.
Jalpy, baq qonǵan bul áýlettiń tulpar minip, tý ustaǵan qaı-qaı perzenti de minezge óte-móte baı. Áıtpese, álqýattanǵan, baıshykeshtengen birtalaılar butkermelene taltańdap, kenedeıin kúpsip, kózderi sheldenip, shirengende, shirkin-oı, júre almaı qalady ǵoı. Baıyǵanǵa, bar bolǵanǵa ne jetsin-aı, ne jetsin. Biraq, baılyq pen barlyqty kótere almaı jatqandar qanshama...
Álimjan myrzanyń saılaýaldy baǵdarlamasymen tanystyq. Naq-naq. Qysqa da nusqa. Naǵyz dilgir dúnıeler qamtylǵan. Ulttyq birlik. Rýhanı jańǵyrýdyń jón-josyqtary. Ekonomıka men jańa tehnologııa jáne ónerkásip qamy. Aýyldyń jany. Bilim «kýlti». Zııatkerlik kilti. Densaýlyq saqtaýdyń sapasy men qoljetimdiligi. Týǵan jerdi túletý. Jastardy qoldaýǵa naqtyly serpin berý.
Álimjan Qurtaevtyń Parlament Senatynyń parasatty depýtaty, halyqtyń shyn qalaýlysy bolaryna senemiz.
Marhabat BAIǴUT,
jazýshy, halyqaralyq«Alash» jáne
«Túrki álemine qyzmet» syılyqtarynyń laýreaty, Qazaqstannyń eńbek
sińirgen qaıratkeri
