Demokratııalyq jolmen damýdy úlgi tutqan mońǵol elinde qazirdiń ózinde 100 myńnan astam qazaq ómir súrip jatyr. Bulardyń deni Baı-ólke aımaǵynda turady. Aımaǵymyz Qazaqstan eli táýelsizdik alǵan kúnnen bastap atajurtymen baılanys ornatyp, shetel qazaqtary arasynan alǵashqy bolyp kósh bastady. Aımaq ortalyǵy О́lgeı qalasynda qazaqstandyq teleónimderdiń barlyq arnasy kórsetilip tur. Jas jetkinshekter «Balapan» telearnasy arqyly til syndyryp, ulttyń rýhanı qazynasymen qaýyshsa, úlkender ár kúngi saıası ózgerister men jańalyqtardy qalt jibermeı qadaǵalaýda. О́ıtkeni, Qazaqstan bar qazaqtyń – temirqazyǵy.
Bizdiń mońǵolııalyq qazaq aǵaıyndar ázirge ózderiniń ana tilinde bilim alýǵa shart-jaǵdaı jasalǵan. Deıturǵanmen bolashaqta Qazaqstannyń Bilim jáne ǵylym mınıstrligimen birlese otyryp, bilim berýdiń keshendi jobalaryn iske asyra alsaq nur ústine nur bolar edi.
Sol sııaqty, aldaǵy kúnderi Qazaqstan-Mońǵolııa elderiniń dıplomatııalyq jaqsy qarym-qatynasyn paıdalanyp, bolashaqta birlesken shaǵyn kásiporyndar ashý jolǵa qoıylsa, ekinshiden, Qazaqstan tarapynan sheteldegi jastarǵa bólinetin joǵary bilim grantynyń úzilmeýin, qaıta 4 paıyzǵa kóbeıýin qalaımyz.
Bul mártebeli basqosý barysynda jalpy qazaqqa ortaq keleli máseleler talqylanady degen úmit bar. Ásirese, qazaqtar qalyń shoǵyrlanǵan ólkelerge konsýldyq qyzmet oryndaryn ashý arqyly shettegi qazaqtardy atajurtyna qonystandyrý júıesin jasap, oralmandy qujattandarý isin sol jaqta sheshken jón sııaqty.
Quryltaı qutty bolsyn aǵaıyn!
Bákeı AǴYPARULY,
akademık,
Mońǵolııa Aýyl sharýashylyǵy
ǵylymy
akademııasynyń vıse-prezıdenti
