Qasıetti tún jaıly ardaqty Paıǵambarymyz (s.a.ý.): «Ramazan aıynda myń aıdan artyq bir tún bar. Kim onyń jaqsylyǵynan maqurym qalǵan bolsa, shyn mánisinde kóp nárseden maqurym qalǵany», degen eken. Sol sııaqty, bul túndi minájat etýmen ótkizgen múminge beriletin saýap – myń aılyq qulshylyqqa teń bolatyny jaıly da Qurannyń «Qadir» súresinde baıan etilgen.
Bul túnniń mańyzy jaıly úlken ǵalym-sahaba Ábdýlla ıbn Abbas: «Qadir túninde – adamnyń bir jylǵy rızyq-nesibesi taǵdyryna jazylady», dese, Qurannyń «Dýhan» súresinde, osy túnde alǵashqy aıattar túskeni jaıly dálel aıtylady.
Mundaı berekeli sátti beker ótkizý musylman balasy úshin ókinish. О́ıtkeni, bul túnde tilegen duǵa-tilek qabyl bolady, kúnálar keshiriledi. Ataqty hadısshi-ǵalym Sýfýanýs Sáýrı: «Qadir túni duǵa etip, Alladan keshirim surap, tilek tileý – namaz oqýdan qaıyrly, eger aıattar oqylyp, artynan duǵa jasalsa, tipten jaqsy», degen eken.
Qadirli baýyrlar, qasıetti túni tilegen tilekterińiz qabyl bolyp, Alla elimizge tynyshtyq, halqymyzǵa yntymaq pen berekeli ómir násip etkeı!
Beken QAIRATULY,
«Egemen Qazaqstan»
