«Bárimizge belgili, kólik qozǵalysyn jaqsartý boıynsha qabyldanǵan sharalardyń biri, júk kólikteriniń qozǵalysyna saǵat 06.00-den bastap 23.00-ge deıin tyıym salý sheshimi. Bul rette, birqatar qurylys kompanııalary túnde belsendi jumys istep, jaqynda ornalasqan úılerdiń turǵyndaryna yńǵaısyzdyqtar týǵyzdy. Sol sebepti, EKSPO-men baılanysty negizgi is-sharalardyń legi ótkenin eskere otyryp, búgin ákimdik úzdiksiz tehnologııalyq prosesterdi qajet etetin, beton men asfaltty-betondy qospany tasymaldaıtyn júk kólikteriniń saǵat 10.00-den 12.00-ge deıin, sondaı-aq 15.00-den 17.00-ge deıin (ıaǵnı, kólik qarbalasy ýaqytynda emes) belgili bir kóshelermen júrýine ruqsat berý sheshimin qabyldady. Onymen bir mezgilde, tynyshtyqty buzatyn túngi qurylys jumystaryna tyıym salýdy tapsyrdym. Mundaı buzýshylyqtar bolǵan jaǵdaıda polısııaǵa nemese 109 qyzmetine habarlasýdy suraımyn, sharalar qoldanylatyn bolady», - dep jazdy ákim Facebook-tegi paraqshasyna.
