Qazaqstan – AQSh: ashyq dıplomatııaǵa 25 jyl

Konferensııa aıasynda ekonomıka men saýda, sondaı-aq, adamı kapıtaldy damytý salalarynda jahandyq jáne aımaqtyq deńgeıdegi eki jaqty seriktestik máseleleri qarastyryldy.

- Eki jaqty qarym-qatynastyń turaqtylyǵy men dınamıkasy memlekettik pragmatıkalyq múddelermen tikeleı baılanysty. Qazaqstan úshin álemdik ekonomıkalyq kóshbasshymen seriktes bolý – bul jahandyq ekonomıkaǵa degen ıntegrasııa. 25 jyl boıy ózara nátıjeli yntymaqtastyq negizi is júzinde de kórinis tapty, - dedi óz sózinde Qazaqstan Respýblıkasynyń Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń dırektory Erjan Saltybaev.

Konferensııaǵa qatysýshylar talqylaǵan eki jaqty seriktestiktiń negizgi tustary retinde Qazaqstan men AQSh arasyndaǵy jahandyq ıadrolyq qaýipsizdik prosessin nyǵaıtýdaǵy yqpaldastyqty ataýǵa bolady.

- Biz erikti túrde qýatty ıadrolyq arsenaldan bas tartqan bolatynbyz. Álemde eń alǵashqylar bolyp Semeı ıadrolyq polıgonyn máńgige japtyq. Kórshiles eldermen birge ıadrolyq qarýdan azat Orta Azııalyq aımaqty qurdyq. О́z kezeginde, AQSh Nann-Lýgara baǵdarlamasy arqyly Nursultan Nazarbaevtyń bastamasymen qurylǵan antııadrolyq qozǵalysty nasıhattaýǵa súbeli úles qosty. Sonymen qatar, biz Qazaqstan kóshbasshysynyń antııadrolyq strategııasynyń jahandyq sabaqtastyǵy týraly da aıta alamyz. Sebebi, ıadrolyq qaýipsizdik Sammıtin ótkizýde AQSh quryltaıshy boldy, - dedi E. Saltybaev.

ÁESI dırektorynyń aıtýynsha, AQSh-tyń Orta Azııadaǵy «S5+1» atty jańa strategııasy aımaqtyq qaýipsizdik, Orta Azııada ekonomıkalyq seriktestikti damytý, sonyń ishinde aımaqtyń kóliktik ál-aýqatyn arttyrý boıynsha eki el arasyndaǵy qarym-qatynasty nyǵaıtýda mańyzdy serpin bolmaq.

Konferensııa jumysyna amerıkalyq taraptan AQSh-tyń QR elshisi Djordj Krol, AQSh-tyń QR eks-elshileri Djon Ordveı, Elızabet Djons, Rıchard Hoýgland qatysty. Qazaqstan tarapynan Memlekettik hatshy Gúlshara Ábdiqalyqova, Syrtqy ister mınıstriniń orynbasary Erjan Ashyqbaev, Ulttyq ekonomıka vıse-mınıstri Madına Ábilqasymova jáne ózge de memleket jáne qoǵam qaıratkerleri, ǵalymdar men sarapshylar qatysty.