Is-sharaǵa Qazaqstan Respýblıkasy Prezıdenti Is basqarmasy Medısınalyq ortalyǵynyń basshylyǵy, Reseı, AQSh, Ulybrıtanııa, Japonııa, Ázerbaıjan, Ýkraına, Belarýs jáne t.b. elderdiń jetekshi ǵylymı ortalyqtarynyń ókilderi qatysty.
Sezde gerontologııa men gerıatrııanyń ózekti máseleleri, atap aıtqanda irgeli, klınıkalyq, medısınalyq-áleýmettik problemalar, belsendi ómir súrý uzaqtyǵy jáne ómir sapasy, saýyqtyrý terapııasynyń erekshelikteri, adamdardy saýyqtyrý jáne t.b. máseleler talqylandy.
Memlekettik hatshy jıynǵa qatysýshylarǵa arnaǵan sózinde BUU boljamy boıynsha 2025 jylǵa qaraı álemde qart adamdar sany 1 mıllıard 100 mıllıonǵa jetetinin atap ótti. Qazaqstanda 2012-2016 jyldar aralyǵynda jasy 60-tan asqan turǵyndar sany 7%-ǵa jýyq mólsherden 12%-ǵa deıin kóbeıgen. О́mir súrýdiń ortasha uzaqtyǵy 72 jastan asty.
Gúlshara Ábdiqalyqova ómir súrý uzaqtyǵynyń qol jetkizilgen osy deńgeıin Memleket basshysy basty jetistigimiz dep atap kórsetkenine toqtaldy.
Gerontologtardyń II eýrazııalyq sezi Eýrazııa keńistigindegi gerontologtar qoǵamdastyqtarynyń jumys tájirıbesin jınaqtap qorytýǵa arnalǵan.
