Velosport
«Astana Pro Team» klýbynyń veloshabondozy Jandos Bıjigitov velosporttan Almatyda ótip jatqan Qazaqstan chempıonatynyń jekeleı synynda chempıon atandy. 50 shaqyrym qashyqtyqty ol bir saǵat, bir mınýt 59 sekýndta júrip ótken. Bul Jandos Bıjigitovtiń Qazaqstan birinshiligindegi alǵashqy jeńisi.
Sonymen qatar, Jandos Bıjigitovten 11 jáne 34 sekýnd keıin kelgen Nıkıta Stalnov pen Artem Zaharov chempıonattyń kúmis jáne qola medalin ıelendi.
Qazaq kúresi
2 shilde kúni Astanadaǵy «Barys Arena» sport kesheninde Qazaqstan Prezıdenti júldesi úshin ótetin «Qazaqstan barysy-2017» fınalynda kórermender arasynda bıyl da kólik oınatylmaq.
Bul týrnırde jarysqa qatysatyn balýandar ǵana emes, kórermender men jankúıerler de syılyqsyz qalmaıdy. «Qazaqstan barysynyń» fınaldyq básekesinde kirý bıletteri boıynsha «Renault Logan» markaly avtokólik oınatylady. Bıletter baǵasy 500 teńge men 5 myń teńge aralyǵynda.
Boks
AQSh-tyń Las-Vegas qalasyndaǵy Golovkın-Alvares jekpe-jegi Qazaqstan ýaqyty boıynsha 17 qyrkúıekte ótedi. Golden Boy promoýterlik kompanııasynyń basshysy Oskar De La Hoııa Gennadıı Golovkın – Saýl Alvares jekpe-jeginiń bastalý ýaqytyn atady.
Onyń aıtýynsha, keshtiń negizgi kezdesýi AQSh ýaqytymen keshki saǵat 23:00-den keshikpeı bastalady. Al qazaqstandyq kórermender bul jekpe-jekti 17 qyrkúıek, ıaǵnı, jeksenbi kúni tańǵy saǵat 09:00-den bastap kóre alady.
Ázirlegen
Álı BITО́RE,
«Egemen Qazaqstan»
