Siz ne deısiz?

Tilekter oryndalady Qoǵamnyń basty baı­ly­ǵy, adam ómiriniń sapalyq ozyq kórsetkishi turǵyn úı. «Úıi joqtyń, kúıi joq» dep beker aıtylmaǵan. El ekonomıkasynyń qarqyndy damýyna baılanysty El­ba­sy­nyń bıylǵy Joldaýynda máseleniń mánisi aıqyn­da­lyp, 2011-2020 jyldarǵa ar­nalǵan turǵyn úı-kom­mý­nal­dyq sharýashylyǵyn jań­ǵyrtý baǵdarlamasy qol­ǵa alyndy. Jetisýdyń bas qa­lasy Taldyqorǵanda da tııa­na­ǵyn keltirer jumystar jetkilikti. «Egemen Qazaqstan» gazetiniń Almaty oblysyndaǵy tilshisi Kúmisjan Baıjan Taldyqorǵan qalasynyń ákimi Mahabbat Bıgeldıevke – Siz buǵan ne deısiz? – Shahar halqynyń kóp­shi­ligi kóp qabatty turǵyn úıde turatyndyqtan, sýmen, jylýmen qamtý, basqa da jumystar qyzmetimizdiń negizgi bóligi desek, artyq aıt­pa­ǵanym. Onyń ústine to­zy­ǵy jetken baspanalardy jón­d­eý de asa qajet. «Nur Otan» halyqtyq-demo­kr­a­tııa­lyq partııasynyń qalalyq fılıaly, «Taldyqorǵan qa­la­lyq turǵyn úı qyzmeti» jaýapkershiligi shekteýli seriktestigi jáne partııalyq baqylaý komıssııasy, salaǵa jaýapty mamandar kom­mý­nal­dy úılerde turatyn tur­ǵyndarmen kezdesýler ótki­zip, olardyń talap-tilekterin zerdelep, jumys aýqymy bel­gilengen-di. Qalada kúrdeli jóndeýdi qajet etetin kóp qabatty tur­ǵyn úılerdiń sany osylaısha aıqyndaldy. Taldyqorǵan qa­lasyndaǵy osyndaı 15 úıdi qalpyna keltirý, jóndeýge bıyl 247 mln. teńge bólinip, tıimdi jumsaýǵa nazar aýda­ryldy. Baǵdarlamaǵa sáıkes Úkimet jóndeý jumystaryna qajetti qarjyny nesıe retinde óte tómengi paıyzben bergenin aıtqan jón. Tur­ǵyn­dar bul qarjyny jeti jylda qaıtarýlary tıis. Máselen, ár páterge shaq­qan­daǵy onyń mólsheri myń teńge men úsh myń teńge aralyǵynda bolyp otyr. Turǵyn úılerdiń aýla­la­ry da jańartylyp, abat­tan­dyrý jalǵasyp keledi. Kúz­diń jyly kúnderin paıda­la­nyp, shahardaǵy taǵy da 8 úı­degi aǵymdaǵy jóndeý ju­mys­tary aıaqtalyp qaldy. Bir sózben aıtqanda,  qala­da­ǵy kóp qabatty sándi jańa úılermen qatar, eskilerin ja­ńartyp, sáýlettendirý ba­ǵy­tyndaǵy jumys áli de jalǵasatyny anyq. Almaty oblysy.