Shahmattan álem chempıonatynyń irikteý kezeńi retinde sanalǵan týrnırge Qazaqstan, О́zbekstan, Qyrǵyzstan, Túrkmenstan, Tájikstan jáne Aýǵanstan eliniń úzdik shahmatshy qyzdary qatysty.
Týrnır shveısarııalyq júıe boıynsha ótip, shahmatshylar toǵyz týr oınady. Segizinshi týrdan keıin ózbekstandyq shahmatshy qyz Gýlrýhbegım Tohırjonova 7,5 upaımen birinshi orynda kele jatqan edi. Al, otandasymyz Dınara Sádýaqasovada 7 upaı bolatyn. Sheshýshi toǵyzynshy týrda Sádýaqasov Túrkmenstan shahmatshysy Jemal Ovezdýrdyevany utsa, ózbekstandyq Tohırjonova taǵy bir otandasymyz Ásel Serikbaımen teń oınady. Osydan keıin, eki shahmatshy da birdeı segiz upaı jınap, teńesip qaldy.
Jarysty uıymdastyrýshylar Sádýaqasova men Tohırjonova arasynda qosymsha oıyn ótkizip, nátıjesinde Dınara Sádýaqasova jeńiske jetti. Sóıtip, otandasymyz týrnırdiń chempıony atandy. Dınara osymen qatarynan ekinshi ret álem birinshiliginde oınaýǵa múmkindik aldy.
Erler arasyndaǵy básekede jigitterimiz nátıjeli óner kórsete almady.
