Oblys ákimdiginiń baspasóz qyzmeti habarlaǵandaı, jármeńkege Qaraǵandy qalasyndaǵy túrli menshik nysanyndaǵy kásiporyndar men uıymdar qatysty.
Búginde Qaraǵandy qalasyndaǵy 472 kásiporyndar men uıymdar 2278 bos oryn usynyp otyr, jármeńkege 92 kásiporyn qatysty. Búgingi jármeńkege mektepter kópten kelgen eken, olarǵa orys tili men ádebıeti pániniń muǵalimderi jetispeýde.
Jármeńkede jumys izdeýshilerge tómendegideı mamandyqtar boıynsha bos jumys oryndary usynyldy: ınjener, logıst, menedjer, esepshi, sarapshy-baǵalaýshy, dáriger, aýdarmashy, tiginshi, slesar, júk tasýshy, kúzetshi, tokar jáne taǵy basqalar.
Memlekettik qyzmet isteri jáne sybaılas jemqorlyqqa qarsy is qımyl agenttiginiń Qaraǵandy oblysy boıynsha departamenti jergilikti atqarý organdaryna 245 bos laýazymdar usyndy.
Búgingi jármeńkege jumys izdep júrgen 1052 adam qatysty, olardyń 205 jumysqa ornalasty, 255-i óz túıindemelerin qaldyryp ketti, 206 adam 2017-2021 jyldarǵa arnalǵan halyqty jumyspen qamtý jáne jappaı kásipkerlikti damytý baǵdarlamasy boıynsha keńester aldy.
