Parlament Senaty Tóraǵasynyń orynbasary B.Beknazarovtyń Fınlıandııa Respýblıkasy Parlamentiniń depýtaty, Qazaqstanmen parlamenttik yntymaqtastyq tobynyń múshesi Eero Heınıalýomamen kezdesýinde eki eldiń parlamentaralyq yntymaqtastyq máseleleri talqylandy.
Parlamentshilerdiń kezdesýi «EKSPO-2017» Halyqaralyq kórmesin ótkizý aıasynda ótti.
Eero Heınıalýoma Qazaqstan pavılonynda bolyp, B.Beknazarovpen EKSPO týraly oń áserlerimen bólisti. «Biz óte úlken áser aldyq. Ǵajap pavılon, sizder kórme ótkizýge aýqymdy jumystar atqarypsyzdar» , - dedi ol.
Senat vıse-spıkeri Fınlıandııaǵa halyqaralyq EKSPO kórmesin ótkizýge arnalǵan konkýrsta jáne 2017-2018 jyldarda BUU Qaýipsizdik Keńesiniń turaqty emes múshelerin saılaýda Qazaqstannyń kandıdatýrasyn qoldaǵany úshin alǵysyn bildirdi.
«Múmkindikti paıdalana otyryp, Sizdi jáne Sýomıdiń barlyq turǵyndaryn aldaǵy merekelenetin el táýelsizdiginiń 100 jyldyǵymen quttyqtaımyn. Sizder ǵasyrdy ekonomıkasy damyǵan jáne halqynyń ómir súrý deńgeıi joǵary memleket retinde eńserip kelesizder» -, dedi B.Beknazarov.
Taraptar sondaı-aq parlamentaralyq yntymaqtastyqty, gýmanıtarlyq árekettestikterdi jáne ekonomıkalyq áriptestikti tereńdetý perspektıvalaryn talqylady.
