«Elbasynyń sarabdal saıasatynyń nátıjesinde elimiz álemdik qaýymdastyqta óziniń aıshyqty ornyn alyp otyr. 25 jyl ishinde Qazaqstanǵa, óńirge ǵana emes, búkil álemge yqpal etetin sheshimder qabyldandy. Polısııa qyzmetkerleri de táýelsizdiktiń jemisin, jeńisin qorǵap, Elbasy – Joǵarǵy bas qolbasshy Nursultan Ábishuly Nazarbaevtyń qazaqstandyqtardyń tynyshtyǵyn saqtaý, qaýipsizdikti, tártipti qamtamasyz etý jónindegi tapsyrmalaryn abyroıly atqaryp kele jatyr, – dedi oblys ákimi Nurlan Noǵaev.
Shara barysynda jumystarynda joǵary kórsetkishterge qol jetkizgen polısııa qyzmetkerleri marapattaldy. Jubaıdolla Daýeshovke polısııa polkovnıgi arnaıy ataǵy, Andreı Karabasovqa merziminen buryn polısııa polkovnıgi arnaýly ataǵy, Rınat Iklasov pen Raýan Qasymjanovqa merziminen buryn polısııa podpolkovnıgi shenderi berildi. Merekelik keshte polısııa qyzmetkerleri de ónerlerin ortaǵa saldy.
Bul kúni, sondaı-aq, Atyraý oblysy ishki ister departamenti balyq qorlaryna qylmystyq qol suǵýshylyqqa qarsy kúres jónindegi polısııa bóliminiń jańa ǵımaraty paıdalanýǵa berildi. Endi arnaıy daıarlyq basqarmasy da osy ǵımaratta jumys isteıdi. Polısııa qyzmetkerleriniń oqý jattyǵýy úshin barlyq jaǵdaı jasalǵan jańa nysandy aımaq basshysy aralap kórdi. Ǵımarattyń aldyndaǵy jaǵalaýda sý polısııasynyń sýda júzý qurylǵylary men kólikteriniń turaǵy uıymdastyrylǵan.
Kásibı merekege oraı jergilikti polısııa qyzmetine 50-ge jýyq avtokóliktiń kilti tabys etildi.
Baqytgúl BABASh,
«Egemen Qazaqstan».
ATYRAÝ.
