Memleket basshysynyń «Bolashaqqa baǵdar: rýhanı jańǵyrý» baǵdarlamalyq ustanymdary negizinde ulttyq kodty nyǵaıtý men ulttyq sanany órkendetý maqsatynda ári kele jatqan Baılanys jáne buqaralyq aqparat quraldary qyzmetkerleriniń kúni aıasynda jýrnalıster qaýymynyń bir top ókili qoǵamdyq negizdegi kásibı joǵary marapatqa ıe boldy.
Marapatty Respýblıkalyq qoǵamdyq-saıası «Prezıdent jáne Halyq» gazetiniń Bas redaktory, professor, Qoǵamdyq ataqtar men marapattar jónindegi respýblıkalyq keńestiń tóraǵasy Marat Toqashbaev tapsyrdy.
«Qazaq jýrnalıstıkasynyń qaıratkeri» qurmetti ataǵyna qazaq jýrnalıstıkasynyń qazirgi úlken aqsaqaly – 92 jastaǵy qart jýrnalıst Sapabek Ásipuly, Sherhan Murtaza, Sarbas Aqtaev, Ýahap Qydyrhanuly, Zákir Asabaev, Mamadııar Jaqyp, Bekbolat Ádetov, Faızolla Orazaev, Orysbaı Ábildaev, Nurmanbet Qızatuly, Beıbit Qoıshybaı, Nurlan Orazalın, Erjuman Smaıl, Jarylqap Beısenbaıuly, Janat Elshibek, Asqanbaı Erǵojaev sııaqty aǵa býyn jýrnalıster ıe boldy.
Sondaı-aq, tómendegi jýrnalıster, arasynda BAQ basshylary da bar – Naǵashybek Qapalbekuly, Kópen Ámirbekov, Jumabaı Shashtaıuly, Nesip Júnisbaev, Rysbek Sársenbaı, Mereke Qulkenov, Janbolat Aýpbaev, Nurtileý Imanǵalıuly, Ertaı Aıǵalıuly, Talǵat Aıtbaıuly, Erlan Qojakeldıev, Jumabek Kenjalın, Samat Ibraım Bektenuly, Saǵatbek Medeýbek, Qasymhan Begmanov, Qalı Sársenbaı, Qazybek Isa, Jarylqap Qalybaı, Júsipbek Qorǵasbek, Shamshıden Patteev, Nurtóre Júsip, Sálııa Ábdikárimova, Láılá Ońalbaeva, Qaragóz Sydyqova jáne basqalary mereke qarsańynda marapatsyz qalmady.
Saltanatta almatylyq óner qaıratkerleri án-jyrdan shashý shashty. Ardager jýrnalısterge dastarhan jaıylyp, dúnıeden ótken barsha qazaq jýrnalısterine baǵyshtalyp, Quran oqyldy.
Talǵat SÚIINBAI,
«Egemen Qazaqstan»
Sýretterdi túsirgen avtor.
