«Aǵymdaǵy jyly syrtqy ahýaldyń jaqsarýy esebinen ekonomıkalyq belsendiliktiń jáne ekonomıkanyń naqty salalary kórsetkishteriniń jaqsarýy baıqalady. Aldyn ala málimetter boıynsha, 2017 jylǵy 5 aıdaǵy eldegi ekonomıkalyq ósim 4,1%-dy qurady, al ótken jylǵy uqsas merzimde 0,2%-ǵa tómendeý baıqalǵan edi», - dedi mınıstr.
Ol a.j.5 aıdaǵy ınvestısııaǵa salynǵan negizgi kapıtal 5,2%-ǵa óskendigin atap kórsetti.
«Aǵymdaǵy jyly Mınıstrlik ulttyq qordyń jańa Tujyrymdamasyn júzege asyrýǵa kiristi. Úshjyldyq merzimde Ulttyq qordyń qarajatyn paıdalanýdy onyń aktıvterin turaqtandyrý úshin aıtarlyqtaı qysqartý josparlanýda. Ulttyq qordyń kepildendirilgen transfertteriniń kólemi úsh jyl ishinde 880 mlrd.teńgege, 2020 jyldan bastap 2 trln.teńgege qysqartylatyn bolady», - dedi Súleımenov.
Ol osy esepten 2018-2020 jyldarǵa respýblıkalyq bıýdjet jobasyn qurý aıasynda a.j. tamyzda Mınıstrlik Ulttyq qordyń bıýdjettik parametrlerin anyqtaıtynyn jáne ortamerzimdik kezeńge boljam jasalatynyn atap ótti.
Súleımenovtiń aıtýyna qaraǵanda, Ulttyq ekonomıka mınıstrligi Qarjy mınıstrligimen birlesip, bıýdjettik prosessıngti ońaılatý jáne memlekettik organdardyń derbestigin keńeıtý jolymen memleket qarjysynyń ekonomıkaǵa ótkizilýin jedeldetýge múmkindik beretin Bıýdjet kodeksine túzetýler ázirledi.
«Qazirgi ýaqytta memlekettik organdardyń ókilderi, bıznes-qoǵamdastyq, QR «Atameken» UKP, úkimettik emes jáne halyqaralyq uıymdardyń belsendi qatysýymen jańa Salyq kodeksi jobasyn daıyndaý boıynsha jumystar júrgizilýde. Osy jumystardyń aıasynda mátinniń ózin talqylaý júrýde. Jańa Salyq kodeksiniń jobasy, Tujyrymdamasy jáne tanystyrylym materıaly Ulttyq ekonomıka mınıstrliginiń saıtynda ornalastyrylǵan», - dedi mınıstr.
Ol «jańa Salyq kodeksi qoldanystaǵydan múlde ózge qurylymymen, jańa ıdeologııasymen erekshelenetindigin, al onyń mazmuny jeńil bolatyndyǵyn» atap kórsetti.
Jekeshelendirý baǵdarlamasy týraly aıta kelip, Súleımenov, 8-den kem emes ulttyq kompanııa IPO/SPO-ǵa shyǵarylatynyn habarlady. Bular «Eır Astana» AQ, «Qazatomprom» UAK AQ, «Qazaqtelekom» AQ, «QazMunaıGaz» UK» AQ, «Qazposhta» AQ, «Samuryq-Energo» AQ, «Qazaqstantemirjoly» UK» AQ, «TaýKenSamuryq» UK» AQ.
«Atalǵan kompanııalardy shyǵarýdyń basym alańy retinde Astanadaǵy Halyqaralyq qarjy ortalyǵy (AFS) qarastyrylýda. Satylymnyń bastalýy 2018 jyldan bastap josparlanýda, bul daıyndyq jumystaryn, holdıngterdi ońtaılandyrý men transformasııalaý sharalaryn júrgizý qajettigimen baılanysty», dedi mınıstr.
Sonymen qatar, Mınıstrlik 2020 jylǵa deıingi О́ńirlerdi damytý baǵdarlamasy aıasynda árbir makroóńir úshin ınvestısııalyq basymdyqty anyqtaý; eldiń aýmaqtyq damýyn jetildirý; TKSh jańǵyrtý; halyqty aýyz sýmen jáne sý tartýmen qamtý boıynsha mindetterdi júzege asyrýda. Tutas alǵanda, Baǵdarlamany júzege asyrýǵa 2017 jylǵa RB-ten 86,3 mlrd.teńge qarastyrylǵan, 2017 jylǵy 1 maýsymdaǵy jaǵdaı boıynsha, jergilikti atqarýshy organdar arqyly onyń 20,2 mlrd. teńgesi ıgerilgen. Qarajat bekitilgen qarjylandyrý josparyna sáıkes bólinýde.
Mınıstr Mınıstrliktiń strategııalyq jumysynyń bir baǵyty kópjaqty saýda júıesi aıasyndaǵy ekonomıkalyq ıntegrasııany tereńdetý men yntymaqtastyq bolyp tabylatyndyǵyn atap ótti.
«EýrazEO jańa Kedendik kodeksi qabyldandy, ol ákimshilik bógetterdi azaıtýǵa, aldyńǵy qatarly aqparattyq tehnologııalardy engizýge, kedendik tazalaý júrgizýdi jedeldetýge baǵyttalǵan. Biz onyń 2018 jylǵy 1 qańtardan bastap kúshine enetindigin josparlaýdamyz. Bizdiń kásipkerlerimiz oǵan jaqsy baǵa beredi degen oıdamyn», - dedi Súleımenov.
Onyń aıtýynsha, tyǵyz ekonomıkalyq ıntegrasııa Qazaqstannyń Odaqtyń basqa elderimen syrtqy saýda aınalymynyń kólemin ulǵaıtýǵa yqpal etti. Máselen, a.j. qańtar-sáýirde Qazaqstan men EýrazEO múshe-memleketteri arasyndaǵy taýar aınalymy 5,1 mlrd.AQSh dollaryn qurady jáne ótken jylǵy uqsas merzimmen salystyrǵanda 35,6%-ǵa ulǵaıdy. Reseıge eksport 2,3%-ǵa (1,4 mlrd. doll.), Belarýske – 6,3 ese (34 mln.doll), Armenııaǵa – 7,4 ese (0,2 mln. doll), Qyrǵyzstanǵa – 31,5%-ǵa (130,1 mln.doll) ósti.
