Bıyl Qazaqstan men Vengrııa arasyndaǵy dıplomatııalyq qarym-qatynastyń ornaǵanyna 25 jyl tolyp otyr. Qos memleket arasyndaǵy áriptestik jyldan jylǵa damyp keledi. Búginde Majarstan Qazaqstannyń Ortalyq jáne Shyǵys Eýropa alańyndaǵy senimdi seriktesine aınalyp otyr. Búginde eki el arasynda Qazaqstan-Vengrııa strategııalyq keńesi, ekonomıkalyq yntymaqtastyq boıynsha úkimetaralyq komıssııasy, Iskerlik keńes jáne Qazaqstan-Vengrııa birlesken tikeleı ınvestısııalyq fondy jumys isteıdi.
Kezdesý barysynda Qaırat Ábdirahmanov taraptar bilim grantynyń sanyn arttyrýǵa keliskenin málimdedi.
– Yntymaqtastyǵymyzdyń basym baǵyttarynyń biri – bilim berý. Osy jyldyń naýryz aıyndaǵy kelisim joǵary oqý oryndaryndaǵy birlesken bilim grantyn 45-ten 200-ge arttyrýǵa múmkindik berdi. Osy úshin vengrııalyq tarapqa alǵysymyz sheksiz. Búginde biz Qazaqstan-Vengrııa ekonomıkalyq yntymaqtastyq boıynsha úkimetaralyq komıssııanyń, Qazaqstan-Vengrııa iskerlik keńesiniń, sondaı-aq, Astanadaǵy majarlyq saýda úıiniń áleýetine basa nazar aýdaryp otyrmyz, – dedi Qaırat Ábdirahmanov.
Jıynda sóz alǵan Peter Sıııarto Vengrııanyń Ortalyq Azııamen yntymaqtastyq ornatqysy keletinin málimdedi.
– Aldaǵy ýaqytta biz Ortalyq Eýropa men Ortalyq Azııa arasynda tyǵyz yntymaqtastyq ornatqymyz keledi. Bul baılanys eki óńirge de oń áserin tıgizedi degen oıdamyz, – dedi Peter Sıııarto.
Jıyn barysynda elimizdiń Syrtqy ister mınıstri Sırııaǵa baılanysty 4-5 shilde kúnderi ótetin Astana prosesiniń V kezeńi jaıly málimdedi. Onyń aıtýynsha, barlyq kepilger elder bul jıynǵa qatysatyndaryn rastaǵan. Astanaǵa Reseı Prezıdentiniń arnaıy ókili, Reseı Syrtqy ister mınıstriniń arnaıy ókili, Túrkııa men Iran syrtqy ister mınıstrleriniń orynbasarlary keledi. Bulardan bólek, Sırııa úkimeti men Sırııa qarýly oppozısııasynyń keler-kelmesi ázirge belgisiz.
– Birikken Ulttar Uıymynyń ókili Staffende Mıstýra men Iordanııa delegasııasy da Astanaǵa arnaıy at basyn buratynyn málimdedi. Sonymen qatar, AQSh ta baqylaýshy retinde joǵary laýazymdy tulǵasyn jiberedi, – dedi Qaırat Ábdirahmanov.
Aıan ÁBDÝÁLI,
«Egemen Qazaqstan»
