Jaqsy habardy barsha qazaqstandyqtyń qýana qabyldaıtyny anyq. Elbasymyz Nursultan Ábishuly Nazarbaevtyń esimi Astanadaǵy halyqaralyq áýejaıǵa berildi. Elbasy – Tuńǵysh Prezıdentimizdiń elimizdi qurýdaǵy eńbegi osylaısha atap ótildi.
Elbasynyń memleket qurýdaǵy eren eńbegin, ıadrolyq qarýdy taratpaý jáne búkil álemde beıbitshilik saıasatyn ilgeriletý jónindegi saıasatyn halyqaralyq qoǵamdastyq jaqsy biledi. Sondyqtan elordanyń basty áýe qaqpasynyń elimizdi, memleketimizdi qurǵan Tuńǵysh Prezıdenttiń atymen atalýy Elbasynyń zor eńbegin, qajyr-qaıratyn, kúsh-jigerin elep-eskerýdiń bir kórinisi dep bilemin.
Halqymyz qashanda el bastaǵan el basshysynyń, qol bastaǵan qolbasshynyń esimin qasterleıdi, qurmet tutady. Sondyqtan, halyqaralyq áýejaıǵa Elbasy esiminiń berilýimen qazaqstandyqtardy quttyqtaımyn!
Muhtar ALTYNBAEV,
Parlament Senatynyń depýtaty
