Úsh ózenniń arnasyn qaldyqtardan tazartý boıynsha atqarylyp jatqan sharalardyń nátıjesi boıynsha, sońǵy apta ishinde jumysshylar 10 tonna qoqys jınaǵan.
«Úsh ózenniń ishinde «Sarybulaq» qoqysqa tolyp, qatty lastanǵan. Esil jáne Aqbulaq, sondaı-aq Sarybulaqtyń jaǵasy kún saıyn tazartylady. Biraq kúnniń kúrt ysýy baldyrlardyń kóptep ósýine septigin tıgizýde», - deıdi M.Baqbergenuly.
Jazǵy merzimde turmystyq qaldyqtar men qoqysty jınaýǵa 30 jumysshy tartylady. Mamannyń pikiri boıynsha, qala ózenderiniń qatty lastanýyna adamdardyń da qatysy bar.
«Úsh ózenniń arnasynan qoqys pen qaldyq tańnyń atysy men keshtiń batysyna deıin jınalady. Esil ózeniniń jaǵasy kún saıyn tazartylyp, sol aýmaqta qoqys tastaıtyn jáshikter men beınebaqylaýdyń bar bolǵanyna qaramastan, qaldyq kóp jınalyp, ózen arnasy qatty lastanady. Sarybulaq ózeniniń arnasynan kún saıyn bos bótelke qutylary men temekiniń qaldyqtary sekildi ondaǵan paket qoqysty syrtqa shyǵaramyz. Bul turǵyda adamdardyń tabıǵatqa, óz qalalaryna janashyrlyqpen qaramaıynsha, jumysshylardyń eńbegin baǵalamaıynsha, nátıje osy kúıinde qala beredi degim keledi. Sol sebepti turǵyndardyń tazalyq máselesine salǵyrt qaramaýyn ótinemiz», -dedi M.Baqbergenuly.
