Investısııalar jáne damý mınıstri Jeńis Qasymbek sońǵy 5 jylda respýblıkalyq mańyzy bar 4,2 myń km avtomobıl joldary, onyń ishinde «Nurly jol» memlekettik baǵdarlamasy aıasynda - 1,3 myń km salynyp, jóndelgenin baıandady.
Temir jol jelileriniń uzyndyǵy 1 854 km-ge ulǵaıdy, «Arqalyq – Shubarkól» jáne «Jezqazǵan – Beıneý» ýchaskeleri paıdalanýǵa berildi, bul Qazaqstannyń shyǵysynan batysyna, ári qaraı «О́zen-Bolashaq» temir jol jelisi arqyly Parsy shyǵanaǵy elderine tikeleı shyǵýdy qamtamasyz etýge múmkindik berdi. «Borjaqty - Ersaı» tarmaǵy paıdalanýǵa berildi jáne «Almaty - Shý» ýchaskesiniń birinshi kezeńin salý aıaqtaldy.
Quryq portyndaǵy parom kesheniniń temir joldaryn salý aıaqtaldy. Qytaımen shekarada «Qorǵas – Shyǵys qaqpasy» AEA-daǵy qurǵaq portynyń» ınfraqurylymy tolyq qalyptastyryldy. Elimizdegi jumys istep turǵan 18 áýejaıdyń 15-inde jóndeý júrgizildi jáne UQJ men 11 jolaýshylar termınaly salyndy.
2016 jyldyń qorytyndysy boıynsha Qazaqstan Dúnıejúzilik banktiń «Logıstıka tıimdiligi ındeksi» reıtıngisinde «Infraqurylym sapasy» kórsetkishi boıynsha 106-dan 65-orynǵa joǵarylap, pozısııasyn jaqsartty. QR IDM málimeti boıynsha, kólik-logıstıka salasyn damytý, onyń ishinde jobalyq basqarý aıasyndaǵy sharalar bul kórsetkishti de jaqsartýǵa múmkindik beredi.
