Qala basshysy Á. Isekeshev pen gersog Gloster kórmeni aralap bolǵan soń, elordamyzda qazaqstandyq-brıtandyq birlesken jobalardy iske asyrý jóninde kelissózder júrgizdi.
Qos tarap yntymaqtastyqtyń zor áleýetin atap ótti, eki memleket arasyndaǵy iskerlik baılanysty odan ári nyǵaıtyp, keńeıtý úshin qajetti jaǵdaı jasaýǵa daıyn ekendikterin jetkizdi.
Oǵan qosa ákim men gersog brıtan pavılonynyń aýmaǵynda «Qazaqstan Respýblıkasynda qalalyq josparlaý men BIM tehnologııasyn engizý» taqyrybyna arnalyp ótken «dóńgelek ústelde» quttyqtaý sóz sóıledi.
Atalmysh «dóńgelek ústeldi» QR-ǵy Ulybrıtanııa Elshiligi men «Innovasııalyq tehnologııalar parki» Avtonomdyq klasterlik qory uıymdastyrdy.
Oǵan Gillespies,Pavegen, IBM,AutodeskCIS,EcoDomusInc.,IdeaFabrikPLC-TheHeroEngineCompany, Crowne Agents jáne Manchester ýnıversıteti syndy birqatar brıtandyq jáne amerıkandyq kompanııalar men uıymdardyń ókilderi qatysty.
Aıta ketken jón, Gersog Gloster Ulybrıtanııa patshaıymy II Elızavetanyń nemere inisi, ol el ishinde jáne sheteldik is-saparlarǵa shyǵyp, qoǵamdyq mańyzy bar isterge belsene aralasady.
