Onyń aıtýynsha, sońǵy 7 jyldyń ishinde áýe kóligimen tranzıttik jolaýshylar aǵyny shamamen 20 esege artqan: 2010 jyly 20 myń adamnan 2016 jyly 478 myń adamǵa deıin ósim baıqalǵan.
Jeńis Qasymbek «Primeminister.kz» jýrnalıstiniń azamattyq avıasııadaǵy tranzıtti damytý týraly suraǵyna jaýap bere otyryp, avıasııalyq tranzıt Qazaqstan ekonomıkasynyń mańyzdy quramdas bólikteriniń biri bolyp tabylatynyn atap ótti. Sebebi, árbir tranzıttik jolaýshy Qazaqstanda shamamen 600 dollar qaldyrady.
«Eger barlyq kólik shyǵyndaryn alyp tastaıtyn bolsaq, tranzıttik jolaýshy elimizde jarty táýlik nemese táýlik ýaqyt bolatyn bolsa, Qazaqstanda kem degende 200-250 dollar qaldyrady», - dedi mınıstr.
Qazaqstannyń áýe keńistigi arqyly ótetin tranzıttik ushý kólemi jyl saıyn 6-7%-ǵa artyp jatyr. Qazaqstan arqyly ótetin jolaýshylar aǵyny negizinen myna baǵyttarda: Qytaıdan Eýropaǵa, Reseıge jáne Túrkııaǵa, Eýropa men Úndistan, OShA arasynda, Ýkraına men О́zbekstan arasynda, Qyrǵyzstan men Ońtústik Koreıa, Eýropadan Ońtústik-Shyǵys Azııa aralyǵynda baıqalady.
«Bıyl shet memleketterdiń 130 myńǵa jýyq áýe kóligi Qazaqstan arqyly ushady dep kútýdemiz. Qazaqstan arqyly áýe tranzıtin júrgizýdiń tartymdylyǵyn arttyrý úshin Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýy aıasynda 2017 jyldyń sońyna deıin 600 myń tranzıttik áýe jolaýshylaryn, al 2020 jylǵa deıin shamamen 1,6 mln adamdy tasymaldaý kózdelgen», - dedi J. Qasymbek.
Atalǵan kórsetkishterge qol jetkizý úshin pılottyq rejımde EKSPO-2017 kórmesin ótkizý kezinde qazaqstandyq áýe kompanııalarymen Astana jáne Almaty áýejaılary arqyly keletin QHR azamattary úshin 72 saǵattyq vızasyz rejım engizilgen. Elimizge ushýdyń tartymdylyǵyn arttyrýǵa EYDU, EO elderine, BAÁ, Malaızııa, Sıngapýr Respýblıkasy men Monako Koroldiginiń (barlyǵy 45 el) azamattaryna vızasyz rejımniń engizilýi eleýli yqpalyn tıgizetin bolady.
EKSPO kezinde Astanada ashyq aspan rejıminiń engizilýi oń septigin tıgizip jatyr – halyqaralyq baǵyttardyń jıiligi artty. Mysalǵa, ushaqtar Pekın men Londonǵa kún saıyn usha bastady. Sońǵy aıda 9 jańa baǵdar ashyldy.
«Oń ózgerister bar. Biz osy naryqta úlken tranzıttik el retinde laıyqty ornymyzdy alamyz dep esepteımiz», - dedi J. Qasymbek.
