A. Batalovtyń aıtýynsha, týrızmniń olımpıada jolyna shyǵýyna baılanysty sala aldynda IJО́ qurylymyndaǵy týrızm úlesin 2025 jylǵa qaraı 8%-ǵa deıin arttyrý jáne elimizge kelýshiler týrızminiń 100-paıyzdyq ósimin qamtamasyz etý mindeti tur.
«Ádettegideı, týroperatorlardyń 95% búginde tek syrtqa shyǵý týrızmine baǵyttalǵan. Týroperatorlar quzyretti organdarmen birge Qazaqstandy ishki, sondaı-aq syrtqa shyǵýshy týrısterdi de tartýy tıis jer retinde aıqyndaýy kerek. Osyny eskere otyryp, Týrıstik salany damytý tujyrymdamasynyń aldyńǵy nusqasy jańartyldy», – dedi A. Batalov.
Tujyrymdamany iske asyrýdyń negizgi quraly Is-sharalar jospary bolmaq. Jobalyq basqarý aıasynda naqty ındıkatorlar belgilengen, olarǵa sáıkes eńbek ónimdiligi jyl saıyn 4-5%-ǵa, halyqtyń jumyspen qamtylýy – 5%-ǵa ulǵaıyp otyrady. Bul, A. Batalovtyń pikirinshe, Qazaqstan ekonomıkasy qurylymyndaǵy týrızm úlesin arttyrýǵa múmkindik beredi.
