Vedomstvo basshysy Parlamentte BAQ týraly zań jobasyn tanystyrdy. Qujatqa sáıkes, tilshi tarapynan saýal alǵan qandaı da bir organ 2 táýlik ishinde jaýap berýge mindetteledi. Al jańa kóterilgen másele boıynsha qoıylǵan suraqtar 15 kúnge deıin qarastyrylýy múmkin. Dáýren Abaevtyń aıtýynsha, mundaı sheshim BAQ ókilderin sapaly ári tolyqqandy aqparatpen qamtýǵa múmkindik beredi.
Aıta keteıik, aldaǵy ýaqytta árbir organda BAQ ókilderimen tyǵyz jumys júrgizetin qyzmetker bolady.
- Kóptegen vedomstvo mamandary jýrnalısterdiń jibergen suraqtaryn jaýapsyz qaldyrady. Al kelgen jaýaptary syn kótermeıdi. Tilshiler buǵan narazy. Budan bylaı mundaı tulǵalarǵa zańdy sheshim qabyldanyp, tipti jumysynan bosatý týraly sharalardy qarastyrýǵa týra keledi, - dedi Aqparat jáne kommýnıkasııalar mınıstri Dáýren Abaev.
