Qazaqstan Respýblıkasy Úkimetiniń qaýlysy № 1072

2011 jylǵy 19 qyrkúıek,  Astana, Úkimet Úıi «Bosatylatyn oq-dárilerdi, qarý-jaraqtardy, áskerı-tehnıkany, arnaıy quraldardy joıý (qurtý, kádege jaratý, kómý) jáne qaıta óńdeý jónindegi qyzmetti lısenzııalaý erejesin jáne oǵan qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2008 jylǵy 31 qańtardaǵy № 82 qaýlysyna ózgeris engizý týraly Qazaqstan Respýblıkasynyń Úkimeti qaýly etedi: 1. «Bosatylatyn oq-dárilerdi, qarý-jaraqtardy, áskerı-tehnıkany, arnaıy quraldardy joıý (qurtý, kádege jaratý, kómý) jáne qaıta óńdeý jónindegi qyzmetti lısenzııalaý erejesin jáne oǵan qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2008 jylǵy 31 qańtardaǵy № 82 qaýlysyna (Qazaqstan Respýblıkasynyń PÚAJ-y, 2008 j., № 3, 42-qujat) mynadaı ózgeris engizilsin: kórsetilgen qaýlymen bekitilgen bosatylatyn oq-dárilerdi, qarý-jaraqtardy, áskerı tehnıkany, arnaıy quraldardy joıý (qurtý, kádege jaratý, kómý) jáne qaıta óńdeý jónindegi qyzmet túrine qoıylatyn biliktilik talaptarynda: 1-tarmaqtyń 3) tarmaqshasynyń birinshi jáne ekinshi abzastary mynadaı redaksııada jazylsyn: «3) mynalardy qamtıtyn qaýipsizdik júıelerimen jaraqtandyrý jáne ınjenerlik-tehnıkalyq nyǵaıtý jónindegi tehnıkalyq talaptarǵa jaýap beretin jeke menshik jáne/nemese jalǵa berý quqyǵyndaǵy tıisti (stasıonarlyq jáne/nemese utqyr) óndiristik-tehnıkalyq bazasy: ǵımarattar, qurylystar jáne/nemese daıyndaýshy-zaýyttyń tıisti pasporty bar konteınerlik úlgidegi utqyr modýlder, kótergish tetikter, jabdyqtar, kólik quraldary;». 2. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasynyń Premer-Mınıstri  K.MÁSIMOV.