Shara – memleket basshysynyń «Bolashaqqa baǵdar: rýhanı jańǵyrý» baǵdarlamalyq ustanymdary negizinde ulttyq kodty nyǵaıtý men ulttyq sanany órkendetý aıasynda ótti. Marapatty respýblıkalyq qoǵamdyq-saıası «Prezıdent jáne Halyq» gazetiniń Bas redaktory, professor, Qoǵamdyq ataqtar men marapattar jónindegi respýblıkalyq keńestiń tóraǵasy Marat Toqashbaev tapsyrdy. «Qazaq jýrnalıstıkasynyń qaıratkeri» qurmetti ataǵyna qazaq jýrnalıstıkasynyń qazirgi eń úlken aqsaqaly – 92 jastaǵy qart jýrnalıst Sapabek Ásipuly men memleket jáne qoǵam qaıratkeri Sherhan Murtaza bastaǵan almatylyq aǵa býyn jýrnalıster ıe boldy.
Arasynda jergilikti BAQ basshylary bar, barlyǵy 45 adam keýdelerine «Qazaq jýrnalıstıkasynyń qaıratkeri» rámizdik medalin taqty. О́ner sheberleri án-jyrdan shashý shashyp, ardager jýrnalısterge arnaıy jaıylǵan Aıt dastarqany basynda dúnıeden ótken barsha qazaq jýrnalısterine baǵyshtalyp, Quran oqyldy.
Talǵat SÚIINBAI,
«Egemen Qazaqstan»
ALMATY
Sýretti túsirgen avtor
