«Men Qazaqstanǵa, ásirese, Astanaǵa kelgenime óte qýanyshtymyn. Qazaq eliniń EKSPO-2017 halyqaralyq kórmesin ótkizip jatqanyna qýanamyn jáne maqtan tutamyn. Jańa ǵana «Nur álem» pavılonynda bolyp, ǵımarattyń óte sapaly salynǵanyna kóz jetkizdim. Buǵan deıin talaı halyqaralyq kórmelerge qatyssam da mundaı pavılondy ómirimde kórgen emespin», dep aǵynan jaryldy mınıstr.
Jıynda Qatar úkimetiniń ókili jasyl tehnologııany damytýda Qazaqstanmen birge jumys isteýge daıyn ekendikterin jetkizdi. «Qatar munaı men gazǵa baı el ekendigine qaramastan, balamaly energetıka men joǵary tehnologııa máselelerine aıryqsha nazar aýdarady. Biz jasyl tehnologııany damytýda Qazaqstanmen birge jumys isteýge daıynbyz jáne ózara tıimdi seriktestik qatynas qurýdan úmitimiz bar», dedi ol. Sonymen qatar, Soltan Bın Ál-Mýraıhı shól daladaǵy shaǵyn memlekettiń qysqa ýaqyt ishinde ekonomıkalyq kórsetkishteri joǵary, aldyńǵy qatarly memleketke qalaı aınalǵanyn da áńgimeledi.
Eki eldiń memlekettik týlary kóterilip, ánurany oınalǵan basqosýdan soń, kópshilik Taıaý Shyǵystaǵy tanymal ansamblderdiń biri «Maqam Ensemble» ujymynyń ónerin tamashalady. Arab óneriniń rýhy men erekshelikterin saqtaı otyryp, klassıkalyq arab mýzykasyna zamanaýı ınterpretasııada oryndaýǵa mashyqtanǵan ártisterdiń án-jyry kórermenniń ystyq yqylasyna bólendi.
Ashat RAIQUL, «Egemen Qazaqstan»,
Sýretterdi túsirgen Orynbaı BALMURAT, «Egemen Qazaqstan
