Kezdesý barysynda Memleket basshysyna elimizdiń óńirlerin kógaldandyrý sharalary, sondaı-aq Astana tóńiregindegi «jasyl beldeý» aıasynda aǵash otyrǵyzý barysy jáne ony damytý jóninde baıandaldy.
Elbasy respýblıkalyq mańyzy bar joldardyń, atap aıtqanda, Astana − Shortandy jáne Astana − Qaraǵandy tas joldarynyń boıynda aǵash egýdiń qajettigine nazar aýdardy.
Sonymen qatar, Qazaqstan Prezıdentine odan ári kógaldandyrý úshin júrgizilgen zertteýlerdiń jáne aǵash egýge jaramdy jerlerdi daıyndaýdyń nátıjeleri, «jasyl beldeýdiń» aýmaǵynda ósimdik ósirý men onda jiberilgen janýarlardy beıimdeý úderisi jóninde aıtyldy.
Budan bólek, Nursultan Nazarbaev elordany kógaldandyrý, sonyń ishinde qala saıabaqtaryn jaqsartý jáne Astananyń sol jaǵalaýynda botanıkalyq baq salý boıynsha atqarylyp jatqan jumystardyń mańyzdylyǵyn atap ótti.
– Botanıkalyq baqta ósimdikter men aǵashtardyń barlyq túri ósýi tıis. Álemdegi ekzotıkalyq ósimdikterdiń de ósýine jaǵdaı jasaý qajet, – dedi Memleket basshysy.
Sońynda Elbasy kógaldandyrý jáne aǵash egý jónindegi jumystardy jalǵastyrýdy tapsyrdy.
