Byltyr aqpan aıynda Tbılısıden velosıpedpen uzaq saparǵa attanǵan saıahatshy 850 kúnniń ishinde 50 eldiń shekarasyn basyp ótip, 50 myń shaqyrymdy artqa tastapty. Kúnine 100 shaqyrym qashyqtyqty erkin eńserip otyrǵan onyń endigi oıy – Gınnestiń rekordtar kitabyna ený. Rekordtar kitabyn 14 ret jańartqan qandasy Djýmber Lejavanyń 264 myń shaqyrym qashyqtyqty baǵyndyrǵanyn, kóp jyl boıy onyń menedjeri bolǵanyn maqtan etedi.
«Álem joly» atty qurlyqaralyq saıahat marshrýtyn búginde ózi jalǵastyryp, ustaz amanatyn adal oryndap keledi. Aıaq sýytyp, damyldaǵan sátterde sol eldiń, halyqtyń tarıhyn, mádenıetin, salt-dástúrlerin bilmekke qumar. Qaı jaǵynan bolsyn Qazaqstannan úırenetin taǵylym, kókirekke túıetin oralymdy oılar kóp deıdi ol.
Aldaǵy baǵyty – Reseıdiń Omby, Qorǵan, Túmen oblystary. Ony alda uzaq jolsapar kútip tur. Ol 2018 jyly ǵana týǵan jerimen, otbasymen qaýyshatyn kórinedi.
Qazaqstan jaıly jyly uǵymdy júregine uıalatqan jıhankezge sát sapar tileıik.
О́mir ESQALI,
«Egemen Qazaqstan»
Soltústik Qazaqstan oblysy
