«Úlken uıym qurý qajet emes. О́te joǵary nátıje kórsetetin, 10-15 adamnan turatyn kishigirim klýbtyń jumysyn uıymdastyrýymyz kerek. О́z tarapymyzdan sportshylarǵa barlyq jaǵdaıdy jasaımyz. Qurama komandanyń ár múshesi kúndelikti tynbaı eńbek etse, qalǵan sportshylar solarǵa qarap boı túzeıtin bolady. Bizdiń komandanyń úzdikter qatarynan kórinerine senimim mol», deıdi aımaq basshysy.
Bul – óńirge shaqyrylyp jatqan alǵashqy legıonerler emes. «Altaı» qyzdar voleıbol klýbynyń quramyndaǵy bir ǵana Iýneska Robles Batıstanyń komandaǵa qanshalyqty serpin bergenin sportsúıer qaýym jaqsy biledi. Sondyqtan Kenııa elinen keletin legıonerler de óńir sportyna lep berip, oblystyń jeńil atletterin shırata tússe budan utpasaq, utylmaıtynymyz anyq.
Azamat QASYM,
«Egemen Qazaqstan»
О́SKEMEN
