Uıymdastyrylǵan sharaǵa qatysqan oblystyq densaýlyq saqtaý basqarmasynyń basshysy Mánshúk Aımurzıeva: «Bul joba aldaǵy úsh aı ishinde barlyq emhanalarda qoldanysqa engiziledi», dedi.
Elektrondy kezek jobasy turǵyndardyń ýaqytyn únemdeıdi ári emdeý mekemelerindegi tártipti saqtaýǵa baǵyttalǵan. Atalǵan júıe ár kabınette ornatylady jáne onyń erekshelikterin medısına mamandaryna oqytý jaıy qarastyrylyp jatyr.
Atyraýǵa bul jobany jeke kásipker Anton Skramovskıı alyp kelgen. Onyń aıtýynsha, buǵan deıin Oral qalasynda qoldanysqa engizilgen júıe tıimdiligin dáleldedi. Qazir Batys Qazaqstan oblysynda emhanaǵa kelýshilerden aryz-shaǵymnyń túsýi 70 paıyzǵa azaıypty.
Joba jetekshileri elektrondy kezektiń uıaly telefondarǵa arnalǵan qosymshalaryn shyǵarýdy da josparǵa engizip otyr.
Baqytgúl BABASh,
«Egemen Qazaqstan»
ATYRAÝ
