«Sot otyrysynda sottalýshylardyń Úndistan, Pákistan, Bangladesh jáne BAÁ memleketterinde ornalasqan «Tablıǵı Jamaǵat» halyqaralyq dinı uıymynyń oqý oryndarynan bilim alǵany anyqtaldy. Oqýdy aıaqtaǵannan keıin olar tyıym salynǵan ekstremısttik uıymnyń ıdeıalaryn Almaty oblysynda nasıhattap, 2016 jyldyń sońynda Mańǵystaý jáne Atyraý oblystaryna jolǵa shyqqan. Sottalǵandardy ustaý kezinde orys jáne qyrǵyz tilderinde tyıym salynǵan dinı kitaptar tárkilendi», - dep habarlaıdy Atyraý qalalyq №2 sotynyń baspasóz qyzmeti.
Sotta sottalýshylar kinálaryn ishinara moıyndady, olarǵa qoldanylǵan «kúzetpen ustaý» bultartpaý sharasy ózgerissiz qaldyryldy. Alty azamat ta otbasyly jáne jumyssyz.
Sot úkimimen Almaty, Shyǵys Qazaqstan jáne Atyraý oblystarynyń 6 turǵyny QR QK-niń 405 babynyń 1,2 bóligimen kináli dep tanyldy. Úkim boıynsha uıymnyń belsendi múshesine 3 jyl merzimge bas bostandyǵynan aıyrý jazasy, al uıymnyń qalǵan qatysýshylaryna eki jyl merzimge bas bostandyǵynan aıyrý jazasy taǵaıyndaldy. Endi ortasha qaýipsizdiktegi túzeý mekemesinde jazalaryn óteıdi.
Baqytgúl Babash,
«Egemen Qazaqstan».
Atyraý.
