«Eki eldiń aımaqtyq ornalasýynda, tabıǵat jaǵdaıynda uqsastyqtar az emes. Bizdiń óńir de sizderdiki sekildi egin ósirýge, mal sharýashylyǵyn damytýǵa qolaıly. О́zara tıimdi áriptestik qarym-qatynasty odan ári jetildirýge nyǵaıtýǵa daıynbyz», – dedi Qumar Irgebaıuly.
О́z kezeginde Shon Staıl basqa da salalar boıynsha birlese eńbek etýge múddelilik bildirdi.
Oblys 60-tan astam shetel memleketimen tyǵyz qarym-qatynas ornatsa, solardyń biri – Kanada. Soltústik Qazaqstan kásipkerleri bul elden aýyl sharýashylyǵy tehnıkalary men asyltuqymdy qara mal satyp alýda. Búginde 400-ge jýyq “Buhler Versatile” traktory, 145 “Bourgault” jáne 100 “Morris Maxim” egis keshenderi, 25 “Honeybee” jatkalary jetkizilgen.
Kezdesýde aýyl sharýashylyǵyna ınvestısııa salý múmkindikteri de qamtyldy.
Shon Staıl myrza soltústikqazaqstandyqtardy qarasha aıynda Kanadanyń Saskachevan qalasynda ótkizilip turatyn dástúrli aýyl sharýashylyǵy tehnıkasynyń kórmesine qatysýǵa shaqyrdy.
О́mir Esqalı,
«Egemen Qazaqstan»
Soltústik Qazaqstan oblysy.
