«20-27 maýsym aralyǵynda Ulttyq biryńǵaı testileý jańa formatta ótti. UBT-ǵa qatysýǵa ótinish bergen túlekterdiń sany 92 myńnan astam boldy. Al naqty UBT-ǵa qatysqan túlekterdiń sany 88 myńnan astam. Túlekterdiń 73 paıyzdan astamynyń testi qazaq tilinde tapsyrǵany qýanarlyq jaıt», - dedi ol.
Ortalyq dırektorynyń aıtýynsha, respýblıka boıynsha UBT 165 pýnkte ótkizildi. Olarǵa elimizdiń Bilim jáne ǵylym mınıstrliginiń 1818 ókili jiberildi. Onyń 75 paıyzyn joǵary oqý oryndarynyń professor oqytýshylary, al 25 paıyzyn kolledj muǵalimderi qurady.
«Aǵymdaǵy jyly alǵash ret test barysyn onlaın kórsetý júzege asyryldy. Bul qyzmet barlyq adamǵa Qazaqstannyń kez kelgen núktesinde ótip jatqan Ulttyq biryńǵaı testileý barysyn qadaǵalaýǵa múmkindik berdi. Bizdiń paıymymyzsha, bul qyzmet buzýshylyq deńgeıin tómendetýge aıtarlyqtaı septigin tıgizdi. UBT-ny ótkizý erejesin buzǵany jáne uıaly telefon syndy tyıym salynǵan zattardy qoldanǵany úshin testileýden 12 túlek shyǵaryldy. Jalpy testileý barysynda 84 myńnan astam tyıym salynǵan zattar, onyń ishinde 40 myńnan astam elektrondy qurylǵylar jáne 40 myńnan astam qaǵaz túrindegi shpargalkalar», – dedi R. Álimqulov.
Onyń sózine qaraǵanda, UBT ótkizý oryndarynda quramynda negizinen 3300 pán muǵalimi bar appelıasııalyq komıssııa jumys istegen. Al respýblıkalyq appelıasııalyq komıssııa quramynda 54 adam boldy. Respýblıkalyq komıssııaǵa mazmuny boıynsha 199 test tapsyrmasy túsip, onyń 103 qanaǵattandyryldy.
«UBT qorytyndysy boıynsha bes pánnen ortasha ball 80,5 prosent boldy. Shekti deńgeıdi, ıaǵnı 50 baldy 74517 túlek aldy. Al shekti deńgeıden óte almaǵandar 14 066 adam», – dedi spıker.
