Oblys ortalyǵynda qoljetimdi medısınalyq qyzmet kórsetý sapasynyń tómendigin turǵyndar arasynda júrgizilgen áleýmettik saýaldamalar da aıǵaqtaǵan. Byltyr naýqastar úsh aı boıy jeńildikti dári-dármekke qol jetkize almaǵan. Densaýlyq saqtaý basqarmasynyń basshysy Vladımır Bezler jaǵdaıdyń bıyl da túıindi kúıinde qalyp otyrǵanyn, onyń basty sebebi qarajat tapshlyǵyna kelip tireletinin málimdedi. Dárilik zattarǵa qajet qarjy 2,5 mıllıard teńgeni qurasa, respýblıkalyq qazynadan bólingeni – 1,5 mıllıard qana. Jergilikti bıýdjetten 132 mıllıon teńge qarastyrylǵan. Búginde osynsha somanyń jartysy ıgerilip, 97430 adam preparattarmen qamtamasyz etilgen.
Oblystyq máslıhattyń depýtaty Iýrıı Belonogtyń pikirinshe, problemalardy sheshý úshin aldymen tıisti zańnamalarǵa ózgeris engizý qajet. Atap aıtqanda, konkýrstardy ótkizýdiń naqty merzimi belgilenýi kerek. Áıtpese, túrli bıýrokrattyq kedergiler men qaǵazbastylyq saldarynan prosess uzaq ýaqytqa sozylyp ketetin kórinedi.
Bıýro májilisinde salalyq dárigerlerdiń jetispeıtini, mektepterdegi medısınalyq pýnktter sanıtarlyq-gıgıenalyq talaptarǵa saı kelmegendikten, 25-ine lısenzııa berilmegeni atap kórsetildi.
О́mir Esqalı,
«Egemen Qazaqstan»
Soltústik Qazaqstan oblysy.
