Aıgúl Myńbaeva 1963 jyly Batys Qazaqstan oblysynda dúnıege kelgen. Bilimi joǵary. 1985 jyly A.Pýshkın atyndaǵy Oral pedagogıkalyq ınstıtýtyn bitirgen. 1985-2000 jyldary orta jáne kásiptik bilim berý mekemelerinde pedagogtyq qyzmet atqarǵan. 2000 jyldan beri Batys Qazaqstan oblystyq bilim basqarmasynda jetekshi maman, bas maman, bólim basshysy, basqarma basshysynyń orynbasary jáne bilim basqarmasynyń basshysy laýazymdaryn atqardy.
– Aıgúl Ádilgereıqyzy 37 jyldyq eńbek ótiliniń 17 jylynda memlekettik qyzmette boldy. Qyzmettik mindetterin atqarý barysynda ózin uıymdastyrýshylyq qabileti joǵary, kásiptik jáne basqarýshylyq tájirıbesi mol maman retinde kórsete bildi. Oblystyq tilderdi damytý basqarmasynyń aldynda da jańa mindetter tur. Elbasynyń úsh tuǵyrly til saıasatyn odan ári jalǵastyrýyńyz qajet, – dedi Arman О́teǵulov jańa basshyny ujymǵa tanystyrý kezinde.
Qazbek QUTTYMURATULY,
«Egemen Qazaqstan»
Oral
