Osy jumystardyń nátıjesinde oblystaǵy avtogazquıý beketterindegi baǵa 2017 jyldyń bastalýymen salystyrǵanda lıtri 59-60 teńgeni qurap, 7 teńgege deıin tómendetilip halyqtyń áleýmettik jaǵdaıyna oń áserin berdi.
Aıta keteıik,ótken jyldyń salystyrmaly kezeńinde Energetıka mınıstrligi tarapynan Ońtústik Qazaqstan oblysyna 4000 tonna kóleminde suıytylǵan munaı gazy bólingen. Bul bólingen kólem oblystyń suranysyn tolyq qamtamasyz etpeı suıytylǵan gaz baǵasynyń edáýir joǵarǵy deńgeıde qalyptasýyna alyp kelgen bolatyn.
Eske salaıyq, QR 2012 jylǵy 9 qańtardaǵy «Gaz jáne gazben jabdyqtaý týraly» zańymen respýblıkada gaz jáne gazben jabdyqtaý salasynda memlekettik retteý engizilgen. Atalǵan zańǵa sáıkes, Qazaqstan Respýblıkasynyń ishki naryǵynyń suıytylǵan munaı gazyna qajettilikterin qanaǵattandyrý maqsatynda QR Energetıka mınıstrligi Úkimet belgilegen tártippen, ishki naryqqa jeńildetilgen baǵadaǵy suıytylǵan munaı gazyn berý josparyn bekitti.
Búginde Ońtústik Qazaqstan oblysynda 27 myńnan astam avtokólik syǵymdalǵan gaz paıdalanady. Al, avtogaz quıý bekteriniń sany 240 birlikke jetip otyr. Bul kórsetkish ótken jylmen salystyrǵanda 2 esege kóbeıgen. Kúnine oblys boıynsha shamamen 20 avtokólikke gaz qondyrǵysy ornatylady.
