"Ashyǵyn aıtý kerek, Qanat Islamnyń kásibı bokstaǵy joly aýyr ótip jatyr. Negizi, oǵan Amerıkaǵa baryp, bedeldi bir promoýtermen kelisimshartqa otyrǵan durys bolar edi. Ol promoýter kez kelgen jerge emin-erkin kirip, kez kelgen boks uıymymen úlken jekpe-jek boıynsha kelise alsa, chempıondyq ataqty da alýǵa bolady. Sóıtip, Qanat kásibı bokstyń dańǵyl jolyna túse alady. Meniń oıym solaı. Búginde Qanattyń ózi jas emes. Oǵan kásibı boksta taǵy 5 jyl, ary ketse, 8 jyl júrýge bolady", - dedi QR Parlament Májilisiniń depýtaty Serik Sápıev QazAqparat tilshisine bergen suxbatynda.
Onyń aıtýynsha, kásibı boksta 40 jasqa deıin óner kórsetýge bolady. Odan keıin sportshynyń fızıkalyq kúshi tómendeıdi. "Dál qazir Qanat joldyń ortasynda tur. Endi, úlken bir belbeýdi jeńip alsa, atyn da shyǵara alady", - de atap kórsetti Sápıev.
Aıta keteıik, elordada ótken baspasóz máslıxatynda Qanat Islam 9 qyrkúıek kúni kezekti jekpe-jegin Astanada ótkizetinin málimdedi. Onyń kelesi qarsylasy - amerıkalyq Djeıms Kırklend. Islamnyń aıtýynsha, jekpe-jekke kirý bıletteriniń baǵasy ázirshe belgisiz. Oǵan qosa, Djems Kırklendpen aradaǵy kelissózder áli aıaqtalǵan joq. "Ol kelisimge óz qolyn qoıǵan joq. Jaqynarada naqty sheshimin aıtady", - dep atap kórsetti ol.
