- Ol birinshi mınýttan bastap «las» judyryqtasa bastady. Alǵa kóp umtyldy. Biraq onyń sheberligi asa joǵary emes. Men aldymen onyń soqqylarynan buǵyp, arta sheginip qarsy alyp jattym. Keıinnen apperkot soqqysymen kútip aldym. Qarsylasymnyń shamaly eseńgirep qalǵanyn baıqadym. Sosyn taǵy birneshe soqqy jasadym. Sóıtip ol qulady.
- Qarsylasyńyzdyń reıtıngin qarap, myqty qarsylas shyǵar dep edik. Biraq, ol biz kútkendeı óner kórsete almady. Siz qalaı oılaısyz?
- Iá, men de onyń deńgeıi joǵary dep oılaǵan edim. Mamandardyń aıtýynsha, ol yńǵaısyz qarsylas negizi.
- Bapkerińiz sizdiń ónerińizge razy boldy ma?
- Bul jekpe-jekte barlyǵy men úshin sátti ótti. Biraq bapkerim kezdesýdi tym erte aıaqtadyń deıdi ... (kúlip)
- Endi aldaǵy josparyńyz týraly aıtyp berseńiz. Sońǵy kezdesýde jaraqat alyp qalmadyńyz ba?
- Joq. Barlyǵy durys. Jaraqat alǵan joqpyn. Aldaǵy josparlarymdy birer kúnde sheshemiz.
Eske salaıyq, 21 jastaǵy qazaqstandyq kásipqoı boksshy Álı Ahmedov NABF belbeýi úshin ótken kezdesýde amerıkalyq Kent Hollandtan aılasyn asyryp, kásipqoı bokstaǵy jetinshi jeńisine jetken edi.
