«Qazaqstan Barysy-2017» týrnıriniń fınaldyq beldesýinde 2017 jylǵy "Ásker barysy" atanǵan Elaman Erǵalıev 2011 jyly tuńǵysh "Qazaqstan barysy" atanǵan Ulan Rysqulmen beldesip, qarsylasyn taza jeńispen utty. Sóıtip, ol «Qazaqstan Barysy-2017» týrnıriniń Jeńimpaz atandy.
Sonymen birge Elaman Erǵalıevke altyn belbeý men altynnan quıylǵan «Taıtuıaq» jáne 25 mıllıon teńge tabystalady. Sondaı-aq, bapkeriniń qanjyǵasyna 3,5 mıllıon teńge baılandy. Al, ekinshi oryn ıelengen Ulan Rysqulǵa kúmis belbeý men bes mıllıon 500 myń, bapkerine bir mıllıon 800 myń teńge berildi.
Týrnırdiń qola júldesin ıelegen Aıbek Nuǵymarovqa "Qazaqstan barysy-2017" týrnıriniń qola belbeýimen qosa bir mıllıon 800 myń tabystalsa, Bapkerine 900 myń teńge syıaqy berildi.
Elaman Erǵalıev alǵashqy aınalymda 2014 jylǵy "Qazaqstan barysy" Muhıt Tursynovty upaı sanymen utsa, ekinshi kezeńde mańǵystaýlyq Nurdáýlet Jarylǵapovty taza ádispen jeńdi. Shırek fınalda qaraǵandylyq Asyl Bármenovtan basym túsip, jartylaı fınalda alyq atyraýlyq Arman Qalıevti qapy qaldyryp fınalǵa shyqqan bolatyn.
Aıta keteıik, bıyl "Qazaqstan barysy" jetinshi ret uıymdastyrylǵan bolatyn.
