Keńes barysynda zańnamalyq bastamalardyń jańa paketi talqylandy, sondaı-aq Dúnıejúzilik Banktiń «Doing Business» reıtın-
gisindegi Qazaqstan pozısııasyn jaqsartý boıynsha Úkimet qoldanatyn birqatar basqa sharalar talqylandy.
Úkimettiń atalǵan jumysy aıasynda 7 kodeks pen 9 zańǵa engiziletin túzetýler paketi qalyptastyryldy. 9 kórsetkish boıynsha ózgerister qarastyrylǵan: «Kásiporyn ashý», «Qurylysqa ruqsat alý», «Elektrmen qamtý júıesine qosý», «Kelisimderdi oryndaý», «Halyqaralyq saýda», «Mınorıtarlyq ınvestorlardy qorǵaý», «О́teý qabiletsizdigin sheshý», «Nesıeler alý», «Menshikti tirkeý».
Keńes qorytyndysy boıynsha Premer-Mınıstr B.Saǵyntaev mınıstrlikter men vedomstvolarǵa alǵa qoıylǵan mindetterdi iske asyrý boıynsha birqatar tapsyrmalar berdi. Olardyń ishinde «Astana 1» Aqparattyq júıesin ónerkásiptik paıdalanýǵa berý merzimderin saqtaýdy, eksporttyq-ımporttyq operasııalar boıynsha biryńǵaı terezeniń, jyljymaly múlik kepiliniń biryńǵaı tiziliminiń jumys jasaýyn, ekinshi deńgeıdegi bankterdiń aqparattyq júıeleri men saqtandyrý uıymdaryn «Elektrondy úkimet» portalymen yqpaldastyrýdy qamtamasyz etý sııaqty tapsyrmalar bar.
