Aýdannyń áleýmettik-ekonomıkalyq damý kórsetkishin baıandaǵan aýdan ákimi Ǵ.Ismaılov bıylǵy jyly 131,4 myń gektarǵa egin egilgenin atap ótti. Onyń ishinde 94 myń gektarǵa maqta, 368,4 gektaryna kúnbaǵys, 85 ga kartop, 24 myń gektardan astam jerge baqsha ónimderi, al 2417,3 ga kókónis, 56 gektarǵa júzim men taǵy basqa da ónimder egilgen. Maqtaraldyq dıqandar egilgen 18,4 myń gektar qaýynnan búginde 19 myń tonnadan astam baqsha daqylyn jınap, onyń 70 paıyzyn shetelge eksporttasa, qalǵan 30 paıyzyn Qazaqstan naryǵyna saýdalaǵan.
Eń aldymen oblys basshysy erte kóktemnen eginin egip, mol ónim jınap Qazaqstan men shetel naryǵyna shyǵaryp jatqan Maqtaral aýyldyq okrýgindegi jeke kásipker A.Boevtyń baý-baqshasymen tanysty. Mundaǵy baýdyń 8 gektaryna alma men alhory, 1 gektaryna anar, 20 gektar jerine júzim otyrǵyzylǵan.
Bıyl «Hamro ata» sharýa qojalyǵy shaǵyn 18 qojalyqty biriktirip, kooperasııa quryp otyr. Osynyń negizinde eńbek ónimdiligin arttyryp mol tabys tabýdy kózdep otyrǵan sharýalar memleketten bólinetin ártúrli jeńildikter men sýbsıdııaǵa jáne lızıng arqyly jańa tehnıkaǵa qol jetkizip otyrǵandaryn aıtady. Kooperatıvtiń jalpy jer kólemi 339,4 gektar bolsa, onyń 6 gektaryna jylyjaı, 274,4 gektar jerine maqta, 15 gektarǵa qaýyn, 20 gektarǵa jońyshqa, 10 gektar jerge júgeri, 8 gektarǵa jemis-jıdek, 1 gektarǵa anar, 20 gektarǵa júzim egilgen. Budan bólek, «Hamro ata» fermerlik qojalyǵynda mal bordaqylaý alańy da bar. Ondaǵy 220 bas iri qara maldyń jartysy bordaqylanýda.
Sharýa qojalyqtyń jumysymen tanysqan aımaq basshysy, mundaǵy atqarylyp jatqan jumysqa oń baǵa berip, ózgelerge ónege bolýy úshin atalǵan qojalyqta semınar ótkizýdi sala basshylaryna tapsyrdy.
Munan bólek, ákim J.Eralıev aýyldyq okrýgindegi apatty jaǵdaıda turǵan «Táýelsizdiktiń 20 jyldyǵy» atyndaǵy kanal jáne onyń ústinen ótetin kópirdiń máselesimen tanysty. Sonymen qatar, atalǵan aýyldyq okrýgtegi «Nuraly jol» sharýa qojalyǵynyń maqta men baqsha egis alqabyn aralap kórdi. О́ńir halqyn jemis-jıdek, kókónistermen jáne baqsha ónimderimen qamtý maqsatynda barynsha jumys isteý qajettigin aıtqan oblys ákimi sharýalarǵa beriletin memlekettik kómek pen qoldaýdy der kezinde kórsetýdi jáne sýbsıdııa alýda qujattaryn rásimdeý jumystaryn úılestirýdi aýdan ákimdigine mindettedi.
1997 jyly qurylǵan qojalyqtyń jalpy jer kólemi 497 gektarǵa jetse, onyń ishinde 210 gektary maqta, 213 gektary baqsha. Al, 50 gektar jerine jońyshqa, 27 gektarǵa dándik júgeri otyrǵyzǵan.
Sapary barysynda J.Túımebaev aıaldaǵan kelesi nysan «Haıat R.Ý.J.» JShS-niń aıaq kıim fabrıkasy boldy. Túrkııadan alyp kelgen jańa jabdyǵyn 2 aı buryn ǵana iske qosqan fabrıka, ónimin 2 ese arttyryp, jylyna 1 mln. jup jazdyq jáne qystyq aıaq kıimder shyǵarýda. О́ndiris orny ımport ornyn basyp Qazaqstan naryǵyn qamtyp jatyr. Jobanyń jalpy quny 675 mıllıon teńgeni qurasa, «Bıznestiń jol kartasy – 2020» baǵdarlamasy aıasynda 100 mıllıon teńe nesıe alǵan.
Sonymen qatar, ákim kúni keshe iske qosylǵan «Nuraı» sporttyq saýyqtyrý keshenin aralap kórdi. Nemis tehnologııasy negizinde sýdy jylytý jáne tazalaý júıesimen qamtylǵan 25h10 metrlik basseıni bar keshen bir mezette 100 adamdy qamtı alady. Sondaı-aq, fıtnes zaly, túrik hamamy jáne fın saýnasy, sporttyq taǵamdar ashanasy, tennıs pen bılıard zaly, karaoke, 3 juldyzdy qonaq úıi bar.
